去蘇梅


個人分享
Tagged With: , , , , , , , , ,

去蘇梅之前其實做咗好多資料搜集,但係搵嚟搵去真係無乜有關蘇梅嘅資料。或者因為真係一個度假嘅地方,所以大部份嘅人唔係去海灘就係留係酒店。當然另一個重要嘅議題係要帶埋郭大少一齊去蘇梅,而當地真係好少嘢啱小朋友玩。到最後都係諗住去到蘇梅再問下當地嘅酒店,睇下有乜嘢提議。當然難得一場嚟到蘇梅,就梗係希望去睇下當地嘅風土人情啦!

玩神秘


個人分享
Tagged With: , , , , , , , , ,

今年老婆生日一直諗攪啲乜嘢好,因為年年都好似淨係同佢去食一啲好嘢,買紮花同買禮物比佢。其實自從郭大少出世之後,我哋好多時間都投放咗係佢身上。反而兩個人相處嘅時間越嚟越少,而且老婆真係實在好緊張郭大少嘅所有嘢,所以希望同佢去過渡假嘅地方,放鬆一下!因為過去一年佢真係好辛苦,尤其係因為郭大少嘅健康,堅持餵哺母乳超過一年。

去拍拖

「送花」

唔經唔覺已經係第五個年頭,時間真係過得好快。仲記得上年老婆無啦啦講話唔好送花俾佢,話嘥錢。不過轉過頭話無花收,有啲唔開心。所以今年當然要買返紮花俾老婆啦。我不嬲都幫襯開尖沙咀某間花店,因為佢哋價錢唔會坐地起價,而且服務同質素都有保證。點知今日蝦碌咗,將我同另外一個客戶嘅花調轉咗。好彩佢哋舖頭近我食飯嘅地方,佢哋即刻整個紮俾我。如果唔係我殺人都似!

第一次


個人分享
Tagged With: , , , , , , , , ,

「第一」

人生有好多嘢都會係你嘅第一次,而有幾多第一次最令你深刻?第一次返學?第一次返工?第一次出糧?但係有啲嘢你真係希望淨係得一次,而有啲嘢你就希望可以重新嚟過。但係人生就係咁,好多時淨係得一次嘅機會,而如果錯過咗第一次嘅話,抑或第一次做錯咗,你真係會希望有第二次嘅機會。但係人生邊樹會咁完美,所以好多時只可以將每一件事睇成第一次。因為你未必咁好彩有兩次嘅機會!

坐完月


個人分享
Tagged With: , , , , , , , , ,

「滿月」

今日「晞暘」滿月啦!話咁快就已經出咗世成個月,時間真係過得好快。日日對住佢都覺得佢大得好快,雖然做到無停手,但係見到佢開開心心,食飽好滿足個樣,真係幾忙都唔記得咗。而家肥返啲,越嚟越得意。得閒同你笑一笑,真係俾佢激鬼死。肚餓要食嘢就一秒都唔等得,係咁喊,有時喊到紅卜卜真係比佢嚇死!所以每次去到咁嘅位,一定要抱起佢氹返佢!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。