新部落

過去十年社交媒體嘅發展係好快,而大家每日上社交媒體已經變成咗習慣。每日係社交媒體睇到嘅訊息由當初朋友同朋友之間嘅狀態更新,到而家其本上亂到一個點差啲以為海外嘅朋友失咗蹤。畢竟社交媒體係媒體,而亦都因為每個人嘅個人喜好去推算你鍾意睇邊啲內容。其實好多時自己真正想睇同係社交媒體上睇唔睇到係兩回事。所以發生咗新一輪嘅移民潮!

漫畫書


個人分享
Tagged With: , , , , , , , , ,

細個嘅時候好多時都係睇卡通片,但係就唔知原來卡通片其實好多時都係因為有漫畫先。香港真係少咗好多淨係賣漫畫嘅商店,而最近期睇過嘅漫畫應該係進擊的巨人。當然唔同人有唔同嘅喜好,有啲鍾意睇美國嘅漫畫,有啲就鍾意睇日本嘅,當然仲有香港本地嘅漫畫啦!好多時漫畫都係虛構出嚟,不過有時亦都有啲係反映當時嘅社會文化,就好似大家熟悉嘅老夫子。

便利店

好多時我教書嘅時候都會用便利店做唔欸同嘅例子,因為每個人一個星期入面都總會去過便利店幫襯。一而便利店嘅營運模式真係可以用係唔同嘅課題入面。例如店舖嘅分佈,營運模式,推廣模式,等等。不過除咗佢哋自身嘅業務之外,其實一間便利店就可以睇到香港嘅付款模式有幾落後。一個銷售點竟然有六七部機用嚟配合唔同嘅付款模式。而點解會有咁多嘢?原因好簡單,就係香港無一個統一嘅付款平台,搞到大家各自為政!

夜型人


個人分享
Tagged With: , , , , , , , , ,

晨型人就係指「上午頭腦好清醒,但係晚上超想睡」,夜型人反而係「早上頭腦唔清楚,但係夜晚就好精神」。不過除咗晨型人同夜型人嘅分別之外,其實每個人每日嘅狀況好同唔好嘅時段都有唔同。而大家嘅生活節奏都係由生理時鐘嚟控制,要一時三刻去改變生理時鐘係一件比較難嘅事。當然好多人都係晨型人因為一般人都係早出晚歸,只不過亦都有好多人因為環境而改變。無論係晨型又好夜型又好,每個人都有唔同嘅生活習慣。

敢發問


個人分享
Tagged With: , , , , , , , , ,

每個人成長都會問好多問題,嚟個係必然,因為當你唔明白件事嘅時候,自自然然就會有問題。而學習嘅過程總會回到問題,當自己唔明嘅時候當然會問好多問題。嚟個係自然同正常嘅現象,不過亞洲人就好似唔敢係一大班人面前發問問題。有啲人嘅原因係因為怕問咗會顯得自己愚蠢,但係唔問問題未更加愚蠢?所以有問題係應該勇於去發問而唔係怕無面!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。