二千日

二千日有幾長?其實都真係幾長,因為二千日等於十二萬分鐘,七百二十萬秒。要係茫茫人海入面要遇到同相識一個人,其實真係同大海撈針無分別。因為一個人平均一生會認識到一千七百個人,而經常聯絡嘅就唔超過三百五十人。當然如果你遇到一個可以同你一生一世嘅人就真難上加難!點解?因為每段關係都會經歷喜怒哀樂,要有無限嘅包容同忍耐,先至可以「執子之手,與子皆老」!

兩口子


個人分享
Tagged With: , , , , , , , , ,

「風雨」

最近發生咗兩件令人驚訝嘅事,一對情侶,一對夫婦,雙雙分別作出分手同離婚嘅決定。方力申同鄧麗欣拍拖十年,由不公開到高調關係,大家都會覺得佢哋經歷過好多嘢,而今日宣佈分手,好多人都會愕然。較早前任家萱同張承中亦宣佈離婚,經歷過風風雨雨,但係最終嘅結局亦都令人詫異。世事難料,兩個人可以走埋一齊係「緣份」,兩個人最終分開係「命也」。

凹與凸


個人分享
Tagged With: , , , , , , , , ,

「相似」

好多時有人會話物以類聚,近朱者赤,近墨者黑,所以大部份嘅人都會選擇同自己比較接近嘅人相處。但係久而久之因為大家嘅成長環境,工作環境同生活環境嘅改變,原本大家相同嘅思想同理念都慢慢出現變化,而到最後更有可能兩極化。人與人嘅關係就係咁,佢會不斷改變,而要做到真正嘅志同道合其實分分鐘係同你相反嘅人!

紀念日

「紀念」

常用的結婚週年名稱有金婚、銀婚,咁紙婚和珍珠婚係代表結婚幾多年呢?結婚紀念日,通常係以紀念週年為標準。外國人鐘意用各種物品來表達,由嚟啲紀念物品中可以發現,結婚愈長久,代表嘅物件嘅硬度就越嚟越高,咁亦象徵愛情歷久彌堅。所以大家可以参考下自己同另一半結婚週年紀念日嘅名稱係乜嘢!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。