被監控


個人分享
Tagged With: , , , , , , , , ,

數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。

網霸權

香港人經常講地產霸權,但係係網絡世界亦都有網絡霸權。如果講到數碼營銷嘅話,基本上絕大部份嘅公司都會投放廣告落谷歌同面書嚟兩間公司。如果係國內嘅話亦都唔係好多選擇,因為都係百度,阿里巴巴同騰訊。而除此之外就係一啲本地化嘅平台!由此可見,因為網上嘅生態圈圍繞著嚟啲公司嘅產品同平台發展,因而形成一個全球嘅網絡霸權!

唔要你

愛一個人唔一定係五月二十號先至講我愛你嘅,因為其實每日都應該係五月二十號!就正如母親節呀,父親節呀,情人節呀,其實日日都可以係,只不過啲人諗一啲嘢出嚟變成另一個賺錢嘅嘅機會。依家潮流係興將啲嘢簡化或者數字化!雖然唔係啲乜嘢新嘢,因為有網絡開始就已經有啲網絡語言,只不過有時嚟啲語言由網上搬到我哋日常生活入面啫!

零網絡

依家科技發達,好多嘢都唔同咗,就好似以前約人咁,話咗幾點係邊度等就會好準時咁等對方。而家就真係好難啦,因為分分鐘一個短訊話嚟唔到就已經放咗你飛機。而去旅行嘅話,其實係應該去感受當地嘅風土人情,但係而家好多時大家都只係顧住影相,分享,機不離手。講真有時真係覺得去到一個病態嘅地步。與其大家問點解啲人無社交媒體,倒不如自己試下無網絡嘅日子!

無私隱


個人分享
Tagged With: , , , , , , , , ,

你有無曾經試過係谷歌嘗試搜尋自己個名或者曾經係唔同網上平台所註冊嘅帳戶名稱?如果未試過嘅話,不妨試一試睇下有啲乜嘢結果。分分鐘你嘅結果會嚇你一跳,因為有可能你會搵到一啲你無諗過會搵到嘅嘢。其實由每個人開始上網開始,大家已經慢慢將自己嘅個人資料續少續少咁洩露跟,只不過大家不以為意。所以只要你上過網,其實好難將嚟啲網上痕跡刪除。因為真係無乜可能!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。