寫網頁


個人分享
Tagged With: , , , , , , , , ,

仲記得好多年前因為自己嘅興趣開始學點樣寫網頁,亦都因為嚟個興趣變成自己嘅職業。二十幾年前嘅網頁真係非常之簡單,無而家咁複雜,亦都冇任何嘅工具可言,所有嘢都係要自己一隻隻字打出嚟!再加上自己鍾意設計,咁就係今日大家所講嘅網頁設計。不過而家仲有無人好似以前咁寫網頁?如果而家叫我寫一個網站應該要從頭學起,因為變化實在太大。

點量度

好多人以為做數據分析好容易,大家都好似睇緊同一樣嘅數字,但係每間公司所量度嘅嘢都好唔同。其實原因好簡單,大家嘅策略唔同,營銷手法,網站設計,等等都會有唔同嘅款式方法。雖然有某啲分析方法可以誇行業去使用,只不過有八九成嘅分析都會唔一樣。所以你問我點樣量度嘅話,我都會同你講無一個標準,因為每個案例都好唔同。如果可以個個一式一樣咁我就輕鬆好多。

有幾老


個人分享
Tagged With: , , , , , , , , ,

真係唔經唔覺自己嘅網齡已經超過二十年,真係無諗過一個嗜好變成自己嘅職業。過去二十幾年網絡真係陪伴我左右,仲記得二十年前自己突然想學寫網頁,所以就慢慢係網上面學,嗰陣時嘅網站真係好簡單,因為得字同圖。而且速度真係慢到無人有,但係邊樹有人估到二十幾年後嘅今日科技會發展得咁快。而家自己諗返都覺得自己好鬼老,依家啲後生仔已經習慣有網絡嘅日子,同佢哋講舊時真係唔認老都唔得!

長青文


個人分享
Tagged With: , , , , , , , , ,

一般去簡單分割網上嘅文章都會係突發,正常,長青嚟三大類別。而好多人當然係希望可以寫到一啲長青嘅文章,因為唔會過時之外,亦會對整個網站帶嚟穩定嘅流量。其實點解要寫文章,原因係一個網站如果要俾搜尋器搵到,而且覺得有價值,其實係要好靠內容去帶動。文章就自自然然變得好緊要,因為搜尋器係讀字嘅機器,如果唔夠字嘅話咁就好難俾搜尋器搵到。當大家覺得無用嘅時候,其實係大錯特錯,因為網站同文章先至係最佳拍擋,如果唔係真係鬼搵到你咩!

好網站


個人分享
Tagged With: , , , , , , , , ,

諗返二十幾年前自己開始學寫網站嘅時候,當然就無諗過依家嘅網站可以寫到出神入化。以前細個邊度識咁多嘢呀,點樣登記域名,點樣起個伺服器,等等嘅嘢都係邊玩邊學。就算網站本身都要用人手逐行逐行咁寫出嚟,邊似得依家咁方便同咁講究。當然依家嘅網站用途有好多,但係如果要稱得上一個好網站,老實講真係買少見少。不過如果仲有人覺得一個網站對一間公司無用嘅話,咁就真係認真大鑊,因為如果連一個網站都無,要人搵到你都真係會有難度。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。