食鹹蛋


個人分享
Tagged With: , , , , , , , , ,

以前細個食月餅,食粽都唔鍾意食入面嘅鹹蛋黃。最好就當然係淨白蓮蓉或者鹼水粽,因為兩者都係甜。當然或者細個唔識欣賞鹹蛋黃呢樣嘢,所以見一到啲蛋黃都係俾晒屋企人食。有時出街見到啲人食飯食鹹蛋,老實講以前真係唔明點解啲人咁鹹都鍾意食,而通常都係一啲年紀比較大嘅人先至會食燒味飯加隻鹹蛋。不過依家你問我嘅話,間唔中我都會叫四寶飯,但佢有半隻鹹蛋。

食苦瓜


個人分享
Tagged With: , , , , , , , , ,

到底有幾多人會鍾意食苦瓜呢?有人覺得苦瓜好苦,有人人覺得苦瓜好甘甜。古語有云,吃得苦中苦方為人上人!真係唔係好多人識得欣賞苦瓜嚟樣嘢,其實同榴槤一樣,有啲人真係好憎食榴槤。不過都係嗰句啦,各花入各眼,每個人嘅喜好同口味都唔同。不過每個人嘅口味其實都會變,或者你嚟刻好抗拒之後就會好鍾意佢。世事無絕對嘅,好味嚟㗎嘢都係一樣!

好脆弱


個人分享
Tagged With: , , , , , , , , ,

近日社會實在發生咗好多不愉快嘅事件,而無論係乜嘢原因導致都好,其實都令人反思好多問題。好多人經常都會講活在當下,珍惜眼前人。而事實上有幾多人真係做得到?要係茫茫人海中認識到一個人,其實真係緣份,而如果有一個人可以一齊同你經歷自己人生就更加難。人生就係咁,好多嘢都係過眼雲煙,何必執著一啲無意義嘅事情。

兩父子


個人分享
Tagged With: , , , , , , , , ,

「相處」

通常同小朋友去旅行都好少淨係得個阿爸或者阿媽獨自帶佢哋去,因為同小朋友去旅行真係有好嘢要兼顧!當然好多人都會好想試吓單獨帶著而嘅感受,但係就要等佢識行識走!小朋友真係大得好快,要係佢哋獨立之前把握機會同佢哋相處多啲!如果唔係大咗佢哋就唔會再咁依賴你,再唔會好似細個嘅時候咁癡著你!

兩口子


個人分享
Tagged With: , , , , , , , , ,

「風雨」

最近發生咗兩件令人驚訝嘅事,一對情侶,一對夫婦,雙雙分別作出分手同離婚嘅決定。方力申同鄧麗欣拍拖十年,由不公開到高調關係,大家都會覺得佢哋經歷過好多嘢,而今日宣佈分手,好多人都會愕然。較早前任家萱同張承中亦宣佈離婚,經歷過風風雨雨,但係最終嘅結局亦都令人詫異。世事難料,兩個人可以走埋一齊係「緣份」,兩個人最終分開係「命也」。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。