三週年

三年前嘅今日,我哋由兩個陌生人變成夫妻。眨下眼又一年,而過去一年大家嘅重心都放咗係郭大少嘅身上,二人世界嘅時間變得越來越小。當然無諗過一個小朋友會帶嚟嘅改變係咁大!莫講話可以安安靜靜咁坐低食餐飯,就連可以傾計嘅時間都好少,事關忙完一日大家都已經筋疲力竭。所以而家可以兩個人一齊去享受下都真係一件幾難能可貴嘅事。

做兄弟


個人分享
Tagged With: , , , , , , , , ,

一個相識咗超過二十年嘅兄弟今日結婚,雖然近年大家喺唔同嘅地方工作,大家一年都未必見到一次,但係我好珍惜大家嘅友誼。好多嘢做兄弟嘅真係在心中!有時有啲嘢真係唔需要講大家就會明!今日係你結婚嘅大喜日子,除咗幫你做兄弟同恭喜你之外,當然希望可以幫你分擔下壓力同工作量,等你嘅嘅婚禮可以順順利利。如果今日有啲乜嘢做得唔好就真係多多包涵啦!

兩週年


個人分享
Tagged With: , , , , , , , , ,

「兩年」

兩年前嘅今日係我哋結婚嘅大日子,但係感覺好似好耐咁,不過其實只不過係兩年時間。真係眨下眼就過,而唔同地方都有唔同嘅叫法,而不論係「布婚」又好,定係「皮婚」又好,每年今日都係值得我記錄每一年我哋兩公婆嘅婚姻生活。睇返上年自己寫嘅嘢其實都好得意,所以希望繼續每日寫文章去記錄每日嘅嘢。而今年真係好多謝老婆過去一年嘅付出!

一周年

「一年」

不經不覺已經一年啦!時間過得真係快!一年嘅時間唔可以話長亦唔可以話短,最重要係邊個係你身邊同你分享「喜怒哀樂」,係你身邊默默支持你。嚟一年同另一半做咗好多好多嘢!不過最最最開心就緊係今年會多咗個人同我哋一齊過!嚟個家好快就會多個新成員。除咗兩隻貓,仲有兩個獅子座!真係一屋都係貓!

結婚相


個人分享
Tagged With: , , , , , , , , ,

「結婚」

每個人結婚嘅時候都會搵攝影師影結婚相。嚟個係留下最美好嘅時刻嘅最佳方法。結婚相其實過咗一段時間就好少拎返出嚟睇。好多時都唔知放咗係邊,由其以前仲未有數碼相機嘅連代。不過久唔久拎返出嚟睇真係又有一番風味。所以大家唔好影完就算呀,同另一半一齊睇返個日開心嘅時刻一定會令大家勾起好多美好嘅回憶。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。