競爭力


個人分享
Tagged With: , , , , , , , , ,

做生意就一定會遇到唔同嘅競爭對手,所以要保持自己公司嘅競爭力通常除咗係產品開發之外,服務質素,以及員工都有需要不斷進步。就算今日你係業界龍頭,唔排除過幾年之後就無晒競爭力。係現實當中,有好多公司其實都出現過同樣嘅問題。就算俾你搵到個藍海又點,如果固步自封,沉醉係自己嘅世界,到最後個結果只有一個,就係註定失敗。

個人化


個人分享
Tagged With: , , , , , , , , ,

管理學入面有一樣關於工作生存嘅法則,就係建立個人品牌。而點解要建立個人品牌嘅原因係因為現今社會嘅競爭越嚟越犀利,要大家認識你,了解你同接受你,首先就係要充分表現自己嘅能力。就算你識上天下海都無用,如果只係埋頭苦幹係咁做,而無人知道你嘅能力,其實好難去繼續發展自己既事業。當然以前係大公司入面做嘢已經深深咁感受到!

無反機


個人分享
Tagged With: , , , , , , , , ,

其實好多年前我已經開始用無反機,原因好簡單,因為部機細而且可以做到大機嘅功能。當然以前嘅無反機仲未有全片幅,所以仲未好普及。當然相機嘅鏡頭亦都係另外一個考慮嘅因素。不過講真如果去旅行就真係好方便,因為唔想用嗰啲卡片機,而帶啲大機又好鬼重。所以買咗第一部大機之後就已經轉咗用細機。不過而家啲無反機真係越嚟越勁,基本上已經超越傳統大機!

挑戰者


個人分享
Tagged With: , , , , , , , , ,

做任何生意都會有競爭對手,雖然好多人都希望搵到個藍海但係事實上唔係咁容易。就算今日係藍海,終有一日會變成紅海。所以唔可以固步自封,要不斷進步,如果唔係當有競爭對手出現嘅時候,就會好容易不堪一擊,死咗都唔知乜嘢事。有競爭先至有進步,如果只係甘於現狀,到最後都會被人淘汰。當然就算作出改變都已經太遲,因為由主導者變成追趕者,唔係話變就變,有好多嘢都要配合。因此好多時係無準備嘅情況下係好難翻身!

旅遊業


個人分享
Tagged With: , , , , , , , , ,

以前係中國做嘢其實好多時訂機票酒店都係靠攜程,但係返到嚟香港就唔知點解自自然然就會去咗旅行社訂機票酒店。或者香港人真係被服務慣,所以搵個人去安排行程點都好過自己浪費時間去唔同網站格價同搵機票酒店。當然依家香港好多人都已經會上網買機票同訂酒店,但係相比起外國仲係相對比較少。不過香港嘅旅行社都要盡快轉型,如果唔係好易被網上嘅平台慢慢侵蝕個市場。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。