親子業


個人分享
Tagged With: , , , , , , , , ,

而家係香港真係越嚟越多所謂嘅親子餐廳同室內遊戲室。當然係香港係有一個好龐大嘅市場,因為香港嘅地方細,可以去俾小朋友玩嘅地方亦都唔足夠。如果天氣唔好嘅話,室內嘅活動場所亦都唔多選擇。所以好多人都睇中嚟過市場,因此越嚟越多人開嚟啲親子餐廳同活動空間。不過相信好快就會出現一個爆破潮,因為突然有太多人進入同一個市場,如果經營唔好嘅話相信好快就會被淘汰!

超辛苦


個人分享
Tagged With: , , , , , , , , ,

當然決定咗嘅嘢係無得返轉頭,與其諗點解當初有咁嘅決定,倒不如繼續向前行。要堅持一樣嘢係好辛苦嘅一件事,而放棄就係一件談何容易嘅事。有時堅持所付出嘅代價係好大好大,但係有時亦都要面對現實。辛苦係在所難免,只係有時係需要比自己有休息嘅空間,重整一下再堅持過。因為有啲問題係需要解決,而個啲問題係有逼切性,就算幾想堅持都好,現實係殘酷嘅!

為乜嘢


個人分享
Tagged With: , , , , , , , , ,

好多時都會問自己搞咁多嘢為乜,真係自己搵自己嚟搞。點解唔舒舒服服咁過每一日,而係日日不斷諗點樣解決問題。好多時一波未平,一波又起,真係十個煲得九個蓋。有時真係想抖啖氣,靜一靜諗清楚下一步點做嘅時間都無。真係咁辛苦為咗啲乜嘢呢?好多年都無咁嘅感覺,真係到咗一個位想放低晒所有嘢重新嚟過。不過當然講就易,而現實邊會有咁嘅可能。

關關過


個人分享
Tagged With: , , , , , , , , ,

人生每日都要面對唔同嘅難關,當然有啲就好容易咁跨過去,有啲就需要啲力去跨過去。其實無嘢係解決唔到,好多時係觀點與角度,點樣都會有方法去解決。當然唔係個個人都會有嚟種心態,因為難關總會令人忐忑不安,莫講話平常心去面對,有時連喘息嘅空間都無。所以當遇到難關嘅時候唔係急於去搵出解決方案,而係先令自己嘅心情平靜之後可以好好思考點樣去跨過去!

信任你


個人分享
Tagged With: , , , , , , , , ,

相信好多人今日都係度討論一個人,嗰個就係肥仔聰。邊個係肥仔聰?當然係講緊薯片叔叔做財政司司長嘅時候嗰個政治助理,羅永聰啦!其實點解大家會咁關注「阿聰」?其實事源係較早前嘅特首選舉論壇,奶媽突然係台上大讚「阿聰」管理社交網頁有道,仲講笑咁話如果當選嘅話要挖角,只不過就被薯片叔叔一個神回應搞掂咗!呢個神匯就係「你買唔到㗎,係錢買唔到嘅團隊」!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。