好關係


個人分享
Tagged With: , , , , , , , , ,

點樣先至快樂?當然有時聽森美小儀嘅早霸王唔止係為咗星期五嘅環節,其實好多內容都好有趣。今日聽到森美佢哋講關於美好人生嚟個題目,而係節目入面提及一段良好嘅關係會影響好多嘢。每個人都有唔同嘅關係,當中包括家庭,朋友,學業,事業,夫妻,子女,等等,而森美所指嘅研究係由哈佛大學經過長達七十五年嘅研究。咁點樣先至係快樂呢?

無目的


個人分享
Tagged With: , , , , , , , , ,

每日寫文章嘅目的係乜嘢?係唔係因為有目的先至寫文章?好多人覺得我好無聊,點解每日都用一定嘅時間去寫文章。當然有時我都唔知道點樣可以答佢哋,但係好多場合我都可以用自己嘅網站做實例,其實已經係值回票價。當然日日寫文係無回報,甚至乎有時因為諗唔到寫乜,需要去搵唔同嘅題材,所需要嘅時間同心機就會比較長。不過有時我都真係會當啲文章係自己嘅回憶,等自己記得曾經發生過嘅乜嘢事同物。

夜型人


個人分享
Tagged With: , , , , , , , , ,

晨型人就係指「上午頭腦好清醒,但係晚上超想睡」,夜型人反而係「早上頭腦唔清楚,但係夜晚就好精神」。不過除咗晨型人同夜型人嘅分別之外,其實每個人每日嘅狀況好同唔好嘅時段都有唔同。而大家嘅生活節奏都係由生理時鐘嚟控制,要一時三刻去改變生理時鐘係一件比較難嘅事。當然好多人都係晨型人因為一般人都係早出晚歸,只不過亦都有好多人因為環境而改變。無論係晨型又好夜型又好,每個人都有唔同嘅生活習慣。

打疫苗


個人分享
Tagged With: , , , , , , , , ,

其實小朋友一出世就會開始接種唔同嘅疫苗,而疫苗其實係預防一啲嚴重嘅疾病。疫苗本身就係病毒,而希望透過身體接種疫苗要有免疫能力。當然接種疫苗亦都唔一定百分百可以預防疾病,而如果有研究話某啲疫苗會導致某啲問題,我相信你都會花少少時間去了解嚟啲問題。不過講到尾小朋友接種疫苗係必須嘅,因為有一啲疾病真係會致命。

打吓機

「打機」

好多人都唔知點解咁多男仔鐘意打機?你鐘意打機嗎?其實我都鐘意。不過我唔讚成沉迷打機。人大咗當然時間少咗,所以鐘意打啲可以單打嘅遊戲。貪佢快,貪佢唔使用好多時間。細個得電腦所以大部份時間打 PC Game,到大咗有錢買 PS3係因為啲畫面夠靚。到咗手機年代,基本上已經代替咗係屋企打機嘅習慣。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。