痴孖根

「痴線」

依家嘅香港真係痴線!以前話「贏在起跑線」,而家竟然話「贏在子宮裡」甚至「贏在射精前」,正如一個朋友講遲啲係「贏在另一半」,「贏在上一代」。不過現實係已經發生咗!因為如果你想入名校,而你嘅自己或者另一半係該名校嘅舊生,其實係有得加分!所以如果你諗住生小朋友,你應該問下你嘅另一半係唔係讀嗰啲名校!真係超低能,嚟個係啲乜嘢嘅社會風氣?

狂執嘢


個人分享
Tagged With: , , , , , , , , ,

「搬屋」

唔執唔執都係要執,因為就要搬屋但係一直都唔想去執。越接近搬屋就越唔捨得而家住緊嗰度,因為自己由細到大都係住係港島東。今次真係第一次搬去新界區,但係為咗老婆同個仔,當然希望比一個大啲同舒服啲嘅地方俾佢哋生活。不過搬屋真係好痛苦,執嘢走人真係執到人都癲。得番幾日時間當然就係全天候係屋企將啲嘢入箱,雖然好多嘢係預咗要搬唔洗執,但係始終都有好多嘢要整理。

好痴線


個人分享
Tagged With: , , , , , , , , ,

「教育」

當自己做咗人哋嘅父母之後,就當然更加關心香港嘅教育制度。而今時今日嘅香港,如果要自己個小朋友有個好環境去讀書真係唔單止攞自己嚟搞,甚至係攞啲小朋友嚟搞。除咗依家大家討論緊嘅「全港性系統評估」之外,其實成個入學過程都係匪夷所思。根本上係要好有策略先至可以入到心儀嘅學校,真係好痴線。真係睇現咗香港個社會幾咁有問題,而最大嘅問題始終都係我哋嚟班成年人,原因係我哋同佢一齊癲!

切錯肺


個人分享
Tagged With: , , , , , , , , ,

「醫療」

香港嘅醫療真係越嚟越差,而家去政府醫院睇醫生真係乜都有可能發生!雖然自己屋企都發生過唔少匪夷所思嘅醫療事件,但係而家差到一個地步你會以為自己去咗睇無牌醫生咁。醫療事故真係日日新鮮,當然我唔係話批評所有醫生同護士事,因為香港係有好醫生同護士只不過好個班大部份都唔會係政府醫院度工作。所以去政府醫院睇醫生簡直好似買六合彩咁!

痴咗線

「痴咗」

近排好忙,忙到越嚟越少時間睇新聞(主要新聞來源其實係 Facebook)。不過睇到幾篇新聞真係覺得係唔係我唔正常,定係有啲人精神錯亂,痴咗線?有建制派嘅議員竟然提出建議係東鐵線設立水貨客專用車廂?人哋澳洲同英國政府出手幫人買樓,香港政府就話買唔起就唔好買?科技局仲未開就請咗人,仲勁到無啦啦邊咗顧問?不過今日想講水貨同買樓先!

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃!
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先?