杜蕾斯

點樣先至叫做一個成功嘅推廣方案?當然除咗用最少嘅資源獲得最多嘅暴光率之外,其次就當然引起大眾嘅討論。現今嘅推廣模式基本上無乜時間可以俾你思考,因為信息發放得太快。如果唔即時作出反應,其實就已經證明咗個品牌相對落後,跟唔上潮流。與此同時要大膽至於亦都要確保自己嘅品牌價值,其實係相對比較困難。好容易就會變成公關災難。

要跑數

我經常都講,要搵天生推銷員係一件好難嘅事。因為佢哋真係乜辦法都有去推銷佢哋嘅產品,而自問真係講嘢唔叻,口才亦唔了得,所以我一定唔係一個推銷員。不過就算唔係天生,但係都要識得去推銷,如果唔係點跑數。由其如果你自己創業同營運一間公司!因為真係手停口停,就算你件產品點樣好都無用,唔識推銷嘅話,就算件產品真係可以上天落地又點?始終都係賣唔出!

學營商

過去兩年都有幫學生營商體驗計劃做商界顧問,而今年就選擇咗去幫嘉諾撒聖心書院嘅學生。當然好開心見到啲中學生參加嚟個活動,因為除咗要應付日常學校嘅嘢之外,佢哋仲要係好短嘅時間之內諗一個產品兼且要製造出嚟。當然個計劃唔係啲乜嘢比賽,而係希望啲中學生可以透過活動去理解營商嘅環境,所以就算到最後無如何既獎項都唔緊要,因為只係希望佢哋了解營商究竟係啲乜嘢回事。我哋嘅責任只係在旁協助,給予意見!

發佈會


個人分享
Tagged With: , , , , , , , , ,

好多人今日嘅重點都係討論蘋果嘅發佈會,而當中最希望嘅係香港會有手機更新嘅服務推出,點知香港無份,所以有啲失望。其實個計劃都真係幾吸引,又唔使煩每次要賣咗部舊嘅手機先至可以買部新。而每年當佢出新款嘅時候又唔使諗換唔換好,所以真係啱我哋嚟班粉絲。老實講我依家最渴望嘅係新嘅手提電腦嘅發佈會,因為真係要換,真係等到頸都長。

左抄右


個人分享
Tagged With: , , , , , , , , ,

「抄襲」

呢個世界有好多人同公司都會以抄襲其他品牌嘅產品或者概念去搵錢,而當中有好多都會牽涉到版權嘅問題。當然點解仲有人會買嚟啲翻版嘢?無他嘅,因為價錢好多時都比較平,所以無論啲品質有幾咁差,抄襲得有幾唔似,好多人都會因為平而去買嗰啲翻版貨。咁只會助長啲人更加猖狂去繼續抄襲,繼續損害原創人嘅利益。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。