做老竇

好多人會好重視父親節,而我真係比較簡單,只要可以同個仔渡過開心嘅一日就夠,因為真係要珍惜每一日。就算日子有時幾難過都好,做父親嘅責任就係要盡自己嘅所能俾到佢哋一個開心快樂嘅環境成長。見到佢開心真係做乜嘢都無所謂,一個小朋友無嘢緊要嘅得過一個開心快樂嘅童年。時間真係過得太快,真係希望時間可以過得慢啲。

救唔救


個人分享
Tagged With: , , , , , , , , ,

香港真係好多人只係將仁義道德掛係口邊,往往只係講就叻,做就難。而好多時有唔係當事人,亦都唔知道當時嘅實際情況就走出嚟指指點點,說三道四。老實講真係一個好唔負責任嘅行為!咁叻嘅話不如你去救啦!講到咁巴閉!做任何嘢都要顧及後果,好多嘢都真係唔可以逞強。尤其係一啲極端嘅環境,因為唔係你諗得咁簡單,話救人就救人。如果係咁嘅話就唔需要專業嘅救護人員啦!

失平衡


個人分享
Tagged With: , , , , , , , , ,

係嚟個世界每一樣嘢都會要有佢自己嘅平衡點,如果太過極端化嘅話,問題就會出現。人生由一開始就係不斷咁學習點樣去平衡,只不過我哋會因為唔同嘅環境慢慢走向兩極。雖然人大咗,但係要學識點樣平衡依然係一門好高深嘅學問。就好似大自然咁樣,每個生態系統都有自己嘅平衡點,如果因為某啲環境因素而有所改變嘅話,後果其實有可能好嚴重。所以要搵出平衡點係一件好難嘅事。

無得做


個人分享
Tagged With: , , , , , , , , ,

香港做數據分析真係無得做?好多人都話香港嘅市場太細,當然嚟個係一個事實,但係細唔代表無得做。七年前選擇咗去開拓嚟條路,七年後條路依然咁難行,但係仲有無得行?我覺得係仲有得行,只不過係點行。數據係一個長線投資,回報期係比較耐,所以好多公司選擇解決眼前問題。當然市場環境係好重要,因為環境因素,數據分析始終比起其他地方發展得慢。

可重複


個人分享
Tagged With: , , , , , , , , ,

做生意就當然希望長做長有,但係無一樣嘢係唔會被淘汰。因為時代嘅進步,科技嘅發展都慢慢將好多唔同嘅行業慢慢淘汰。可能你今日賺到盆滿缽滿,但係你唔知幾時會蝕到趴係咗係到。其實就算係日常嘅必需品都會有同樣嘅問題,因此你會發現好多公司都會不斷擴展唔同嘅業務,同當初開業嘅時候都會好唔同。專型係需要時間,唔係一時三刻話變就變。況且而家嘅經濟環境,有時未必係自身嘅問題,反而係政策嘅問題。

 
  • 做博客而家做博客其實真係好簡單,簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品,然後就希望博客係自己嘅博入面分享下。當然有啲係有錢,有啲係無錢,亦都有啲係邀請你去某啲私人活動。自問就真係冇做博客嘅條件,寫嘢都係因為個人嘅興趣,想了解文字與數據嘅關係,而最緊要係記錄生活嘅點滴。
  • 領導者領導係帶領嘅意思,如果只係一直跟從別人嘅指令去工作嘅話,其實毫無領導可言。而一個成功嘅領導者通常都具備以下嘅五樣特質,當中包括:決斷能力,有同理心,承擔責任,保持樂觀,專注向前!當然領導者亦都有唔同嘅類型,係唔同嘅環境入面會發揮不同嘅作用,所以有時唔係領導者嘅問題而係領導嘅方法未必適合某啲公司嘅文化。用人唯才先至係管理同領導上策!
  • 放得下人一生最重要嘅一樣嘢就係要學識點樣放得低,因為人出世嘅時候係乜都無,離開嘅時候亦都係乜都無。當然人天生係執著,要經歷唔同嘅磨練先至會學會放低。而如果要放低以下十樣嘢嘅話,你又會放得低幾多?當中包括:抱怨,過去,煩惱,自我,脾氣,懶惰,消極,妒忌,猶豫同貪念。人生要活得輕鬆自在唔係一件易事。學識逐一放低其實先至會活得開心。
  • 你可以早前睇到一位朋友分寫咗一篇文章,睇完之後有點當頭棒喝嘅感覺。我哋係嚟個城市,嚟個世代生存,每個人都好努力咁為生活而奔跑。當然世界會變,而好多時亦都因為大家成長嘅年代唔同,亦都經常以一副我食鹽多過你食米嘅態度,慢慢覺得一代不如一代。但係我哋曾幾何時亦都俾上一代給予同樣嘅批評?只係時代唔同咗,與其抱怨社會只會越嚟越差,但係點解又唔諗下點樣令佢變好呢?