發緊夢

「發夢」

每個人都有夢想,都會有發夢嘅時候。當然好多人會發夢中六合彩,咁以後就可以打跛腳唔使做!不過係唔係連發夢都唔俾?其實有時人發下夢係一件好事,至少你會好似開心啲。只係現實歸現實,我哋嘅社會就係唔俾你發夢,事關你都要三餐一宿。正如我有個朋友講,到最後都係為咗搵食,只要可以生存咁咪做囉。講到尾都係為咗生活啫。諗多無謂,行動最實際!

超沉迷

「社交」

如果你今日無帶手機會點?好多人都會話,而家無手機係身仲慘過無帶銀包。好多人一有時間就拎住部手機嚟睇,而食飯首先就係影咗張相之後咋咋臨上載到社交網絡。如果無人關注就好似好失落。我念以前我都好沈迷係嚟個社交媒體,但係慢慢就覺得好哂時間。依家要仲要照顧個仔,講真真係冇咁多時間去關注所有嘅資訊。頂多就係幫自己做個記錄,分享自己工作同生活。

回到邊


個人分享
Tagged With: , , , , , , , , ,

「電影」

唔知依家有幾多小朋友有睇過「回到未來」嚟套電影,一套超級經典嘅作品。而今日就正正係套戲嘅第二部曲講述主角利用時光機穿越時空嚟到二零一五年。係戲入面講述好多以前嘅人對未來嘅科技嘅睇法,而睇返嚟啲科技,有好多科技係現實生活中已經出現咗。雖然有啲科技仲未好似戲入面咁普及,但係亦有不少你睇返係二十幾年前大家諗都冇諗過嘅科技,竟然係二十幾年後面世。

平常心

「心煩」

世事往往不如人意,要克服逆境所承受嘅壓力有時係會超出一個人嘅能力。當然無人係萬能,咁當然希望將每件事做到盡善盡美。有時好想做好各樣嘢,但係當你以為做得還可以嘅時候,就再一次大受打擊。所以要不斷調整自己,當然唔想欺騙自己同逃避問題,希望可以逐一擊破。講到底,其實係唔係無得揀?又未必係,但係路係自己揀,唔想次次都搵借口去逃避。

要換車


個人分享
Tagged With: , , , , , , , , ,

「迷你」

雖然話我好鍾意依家㗎車,除咗擺咗好多心血落去之外,其實佢真係幾好揸。不過接二連三嚟樣懷,嗰樣懷,都唔知想點。架車新買兩年多,除咗我後加同換嘅零件之外,我諗大部份原廠嘢都一一報銷。點解可以懷咁多嘢呢?我諗每三個月都最少一次。所以今日真係堅嬲!真係唔知係我好彩定唔好彩。睇怕真係唔可以唔諗換車。買多架有真係負擔唔起,係都買樓先啦。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。