數據先


個人分享
Tagged With: , , , , , , , , ,

好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!

去開源

相信好多創業嘅朋友都會遇過不同嘅高低起跌,當然一定如果順境同逆境。有啲或者選擇去節流,將營運規模縮小等待時機再重新出發。有啲就利用原本嘅資源同時間去開源!邊條路係啱無人知,不過如果唔變,只係死守嘅話一定唔係出路,所以好多創業嘅朋友都不斷去開拓唔同領域嘅業務。雖然有時會令好多人唔明白公司嘅方向,但係有邊間公司真係只會做一樣嘢?

七比三

黃金比例係一個數學常數,有嚴格嘅比例性,藝術性,和諧性,蘊藏着豐富嘅美學價值。有好多工業產品,電子產品,建築物或藝術品都普遍應用黃金比例嚟展現佢嘅功能性同美觀性!就正如好多時影相都會用到嘅三七比例,倒啤酒嘅時候應該係三分泡七分酒,飲食應該係三成主食七成纖維!所以其實係好多唔同嘅層面都會應用到嚟個黃金比例。而好多時我哋亦會應用係商業層面!

便利店

好多時我教書嘅時候都會用便利店做唔欸同嘅例子,因為每個人一個星期入面都總會去過便利店幫襯。一而便利店嘅營運模式真係可以用係唔同嘅課題入面。例如店舖嘅分佈,營運模式,推廣模式,等等。不過除咗佢哋自身嘅業務之外,其實一間便利店就可以睇到香港嘅付款模式有幾落後。一個銷售點竟然有六七部機用嚟配合唔同嘅付款模式。而點解會有咁多嘢?原因好簡單,就係香港無一個統一嘅付款平台,搞到大家各自為政!

講營運

「創業」

做生意最緊要嘅係現金流,而好多人創業都先要投資後講回報。當然好多到最後都未到回報期就已經關門大吉,有時就算有幾多資金都好,一日未正式賺到錢其實盤生意都係蝕緊錢。所以其實我好怕嚟啲咁嘅模式,因為真係同賭錢無分別。就算要擴大公司,其實我都好小心,要保證唔會入不敷支。又或者係咁所以唔上唔落,但係最起碼我由始至終都係賺緊錢!

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃!
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先?