方東昇

「世界」

當然唔係個個人會睇無線嘅節目,但係有時真係係屋企無無聊聊都會開著個新聞台係咁播。如果大家有留意,本來係無綫新聞台播開嘅「世界零距離」無啦啦唔知點嘅會係無綫翡翠台十點半嘅時候播。當然佢最主要嘅內容就係去一啲我同你都未必去嘅地方。講真有啲地方都幾特別,唔講真偽唔知有嗰個地方存在。雖然唔係啲乜嘢大製作,只係一個新聞報導員主持嘅一個節目,不過就幾有趣。

選港姐

「港姐」

香港小姐從一九七三開始到而家已經有四十二年嘅歷史,而香港小姐選舉嘅口號係「美貌與智慧並重」。傳統首先係千幾名報名者當中篩選出二十個人出嚟,之後就通過電視直播進行準決賽,再揀十二個人進入決賽。而近年已經再無舉行準決賽,改為直接舉行決賽。當然唔少參加香港小姐選舉嘅女仔都一夜成名,一係就入咗娛樂圈做戲,一係就嫁入豪門寄身名流。

摺咗佢

「死未」

喂喂喂,亞視呀!你玩完未呀?死唔斷氣!點解咁耐都未摺得?無出糧幾個月,仲要無錢返緊嚟,牌費你又唔俾。好啦諗住開始審你,但係又一拖再拖。咁點呢?個政府擺到明幫亞視幫到出晒面,唔通真係會有白武士會買?唔好煩啦,快啲摺咗佢俾返個牌「香港電視」啦!

港收視

「開台」
相信好多人同我一樣都好其待「香港電視」係十一月十九號開台。當然事前裝好晒手機程式以為已經準備好。點知都係預咗會好多人睇令到個網絡大擠塞!需然開台有少少阻滯,但係靈活變通嘅香港人就即刻係另外一啲平台幫手轉播。高峰嘅時候人數係有幾十萬人一齊睇。可以見到我哋有幾渴求有一個新嘅電視台俾啲有質素嘅電視劇俾我哋睇。講真,真係好好睇,同有啲唔識嘅演員。。。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。