好極端


個人分享
Tagged With: , , , , , , , , ,

我哋身處嘅地球真係病了!一個星球係有生命,而我哋生活係嚟個地方其實係有需要去保護佢!接二連三嘅極端反常嘅天氣係一個又一個警告,如果我哋再唔對症下藥嘅話,雖然我哋係有生之年或者未必見到問題。但係試想下自己嘅仔女同佢哋嘅仔女會點?到果陣時唔係讀唔讀啲讀書,搵唔搵到錢嘅問題,因為佢哋有機會面對嘅係地球係唔係仲可以居住嘅問題!

七年後


個人分享
Tagged With: , , , , , , , , ,

「七年」

七年其實唔係一個短嘅日子,而過去七年真係過得好快!快到好似琴日咁!到底過去七年入面自己做咗啲乜?其實真係唔知,淨係知道每一日都係為咗兩餐而奔跑!有時彷彿自己好似停留咗係七年前!或者我係一個任性嘅人,只要決定咗就唔會返轉頭,但係就係因為已經過咗七年,又係時候回顧自己嘅狀況!究竟自己有無真係向前行?究竟係唔係同預期嘅有分別?

車厘子

「好味」

有時真係幾得意,係澳洲嘅時候好少食車厘子,但係因為見到啲人去果欄買啲好鬼大粒嘅澳洲車厘子返屋企食,所以同老婆都試下。一試之下真係無得返轉頭!不過最大問題係你要一盒一盒咁買,我哋兩個人食都要食幾日。當然咁樣買嚟食一定抵過係出面超級市場咁買。講真粒車厘子有成個一蚊銀咁大真係好好食,最重要嘅係真係好鬼甜囉!所以依家每年都會去果欄買嚟食

攞經驗

「創業」

仲好記得第一次創業係十八十九歲,當時因為冇入到心儀嘅大學科目。讀四科真係肥三科,所以覺得繼續讀落去都無乜意思。正因當時科網熾熱,加上自己有少少設計同寫網站嘅興趣,所以就開咗間做網站設計嘅公司。Mania Design 係我第一間公司。但係慢慢就知道工作經驗唔夠,同個陣時邊到有乜嘢創業活動。所以做咗一兩年就摺咗。

小迷你


個人分享
Tagged With: , , , , , , , , ,

「迷你」

我唔可以話係死粉,不過好耐之前係澳洲就好想買架 Mini Cooper。不過嗰陣時無等新一代面世,所以返到嚟香港再睇車嘅時候新 Mini Cooper 已經出到第三代。當然成日心思思想買返架 Mini Cooper ,最後都係佢哋啲車展到買咗佢返屋企!雖然香港人好計較年底車,不過自己揸就無所謂啦,鬼叫自己鐘意同個價錢都好吸引

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。