競爭力


個人分享
Tagged With: , , , , , , , , ,

做生意就一定會遇到唔同嘅競爭對手,所以要保持自己公司嘅競爭力通常除咗係產品開發之外,服務質素,以及員工都有需要不斷進步。就算今日你係業界龍頭,唔排除過幾年之後就無晒競爭力。係現實當中,有好多公司其實都出現過同樣嘅問題。就算俾你搵到個藍海又點,如果固步自封,沉醉係自己嘅世界,到最後個結果只有一個,就係註定失敗。

做先講

數據分析唔淨只係分析咁簡單,當然首先要了解公司嘅需要,因為好多時都要知道要係邊度收集數據。但係通常問題嘅源頭都係由收集開始,因為如果一開始收集返嚟嘅數據都已經有問題,基本上之後做乜嘢嘅分析都無用。而且好多公司一開始都唔想改變,好多數據基本上有等於無,就算口講話想做好啲分析,只不過又唔肯去做。如果而家依然仲係齋講嘅話,基本上慢慢就會俾人淘汰。

被淘汰

自從一九九四年開始有互聯網嘅年代就已經成為我生命嘅一部份,隨著佢嘅發展,由自己嘅對寫網站嘅興趣變成自己嘅職業,其實真係睇住科技嘅發展同不同公司嘅起起跌跌。因為互聯網發展迅速,就算係龍頭公司,有一日都會被淘汰。要生存就需要不斷調整策略同發展嘅方針,唔係大就唔會被淘汰,因為歲月不饒人,唔改革嘅話只會俾時間巨輪慢慢吞噬!

誰怕誰


個人分享
Tagged With: , , , , , , , , ,

正當好多人討論人工智能嘅發展嘅時候,當然有支持亦都有反對嘅聲音。人工智能基本上係將人類嘅智慧數碼化,再運用程式去不斷學習,然後再作出最好嘅決定。而另外一樣嘢就係要靠硬件去同人互動,例如機械人。其實大家最怕嘅應該因為電腦係二十四小時唔使休息,有無限嘅資訊同記憶,所以如果有人利用咁強大嘅智慧去破壞社會安寧嘅話,其實真係同好多電影橋段無分別。

挑戰者


個人分享
Tagged With: , , , , , , , , ,

做任何生意都會有競爭對手,雖然好多人都希望搵到個藍海但係事實上唔係咁容易。就算今日係藍海,終有一日會變成紅海。所以唔可以固步自封,要不斷進步,如果唔係當有競爭對手出現嘅時候,就會好容易不堪一擊,死咗都唔知乜嘢事。有競爭先至有進步,如果只係甘於現狀,到最後都會被人淘汰。當然就算作出改變都已經太遲,因為由主導者變成追趕者,唔係話變就變,有好多嘢都要配合。因此好多時係無準備嘅情況下係好難翻身!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。