廿九個

究竟郭大少返學係點嘅呢?今個月係人生第一次去家長會,其實都估到一二,不過見到佢係學校好開心就已經足夠。雖然香港嘅教育真係幾變態,因為佢始終都係一個兩歲人仔,見到佢一日一日長大就得啦!不過兩歲嘅人仔真係茶煲,經常性同你唱反調,又堅持樣樣嘢都要自己做,唔啱心水又發脾氣,但係又真係正常,因為每個小朋友都會經歷呢個階段,只係我哋真係俾佢激死!

好沉重

「矛盾」

其實今日寫嚟篇文嘅時候心情真係有啲矛盾,因為自己認識有份去救火嘅消防員,因為知道一位殉職嘅消防員係朋友嘅朋友嘅老公,同時因為認識嚟兩日被人鬧到爆咗嘅迷你倉老闆。而今次嘅火災引起好多問題,但係真係謠言滿天飛,雖然話依家個火場好似受控制,只不過仍然要小心。真係希望場火快啲熄,唔好再有任何嘅傷亡,所有消防員一齊落更!

消防員

「消防」

係咁多個紀律部隊入面,我相信大部份嘅人都會認同消防員係一個危險度極高嘅工作。大家都好敬重嗰班用自己嘅生命進入火場救人救火嘅消防員!每次當大家知道有消防員因為救火而殉職,相信心入面都會有啲難過。相信無人會希望有火警發生,而因為每次嘅火場環境都唔一樣,所以好多時有好多預計唔到嘅突發情況會發生。當然大家最唔想見到嘅就係有人傷亡。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。