澳門遊

經過上次復活節長假期嘅之後,咁個長假期決定近近地出走去澳門兩日,事關香港真係無嘢做。對上嗰次去澳門應該係同老婆去澳門做嘢之後我哋去玩!原來唔經唔覺真係好多年都無去過,而今次就多咗郭大少一齊去!但係今次再去嘅感覺真係好唔同,唔知係唔係因為多咗郭大少嘅關係,去嘅地方自然唔同咗。不過今次我哋無去啲旅遊區,或者嚟個係其中一個原因!

廿一個


個人分享
Tagged With: , , , , , , , , ,

小朋友一個月一個月咁成長,時間真係過得好快,快到一個地步上年仲係爬爬下,今年就已經識行識走。過多幾個月就已經兩歲,開始返學,真係想像唔到!當然見到自己個仔一日一日長大真係好難去形容,原本係一個食飽就瞓,瞓飽就食嘅嬰兒,到而家所有嘢都有自己嘅主見,有自己嘅要求。有時真係唔想佢大得咁快,因為到時就唔會再黐實我哋。

好無聊


個人分享
Tagged With: , , , , , , , , ,

今個假期真係好無聊,係香港要諗去邊真係一件幾痛苦嘅事。一到大時大節大家都放假嘅時候,真係去邊都咁多人。人越大就越怕去啲人多嘅地方,以前都話可以輕輕鬆鬆咁食個早餐,行陣街,睇下戲,食個飯,飲杯嘢,食甜品。只不過而家一家大細出去就真係人都癲,因為去公園一定人多到爆,去商場有冇嘢做,真係無聊到一個點都唔知做乜。睇怕真係每個長假期都要搵地方出走。

生日會


個人分享
Tagged With: , , , , , , , , ,

「生日」

其實人越大,自己對生日嚟樣嘢就越嚟越唔重視,所以無乜話點樣慶祝。細個嘅時候當然希望生日會有一個生日會同一班朋友慶祝,可以盡情玩之餘又有好多禮物收。我諗每個小朋友都會係咁諗。而對上個次我自己同一大班人慶祝生日,我諗都已經係十幾年前嘅事。只不過我當然希望每一年都同郭大少搞生日會啦,因為佢大咗之後佢就會有自己嘅慶祝方法!

小便宜

「招標」好多時都會收到某啲公司話想邀請你間公司去參與佢哋嘅項目招標,但係事前要做好多嘢都係無錢收。當然你可以話一買一賣,你中標未可以收到錢囉。其實係外國,就算提交意見書大多數都會俾錢,尤其係大嘅項目。其實到最後間公司係唔駛用錢嘅情況下就可以得到唔同嘅資訊,而且大部份時間都係因為內部流程而要搵多幾間公司投標。

 
  • 越節儉其實之前都有同好多人分享過類似嘅故仔。有一個窮人,佢好窮好窮,而有一日一個有錢人見到佢咁可憐就諗住幫佢致富。之後就送咗隻牛比佢,然後吩咐佢要好好開荒,等春天嚟到嘅時候就可以播種,咁到咗秋天嘅時候就可以脫離「窮」嚟個字!點知窮人就滿懷希望開始奮鬥,只不過咗幾日,隻牛要吃草,人要吃飯,日子比之前仲難過。窮人不斷賣嘢,只不過到最後佢諗致富係無希望,所以賣晒所有嘢去買一壺酒,飲晒落肚,咁就可以乜都唔使諗,悠哉悠哉!
  • 要跑數我經常都講,要搵天生推銷員係一件好難嘅事。因為佢哋真係乜辦法都有去推銷佢哋嘅產品,而自問真係講嘢唔叻,口才亦唔了得,所以我一定唔係一個推銷員。不過就算唔係天生,但係都要識得去推銷,如果唔係點跑數。由其如果你自己創業同營運一間公司!因為真係手停口停,就算你件產品點樣好都無用,唔識推銷嘅話,就算件產品真係可以上天落地又點?始終都係賣唔出!
  • 定指標每間公司都會定立唔同嘅指標,只不過指標嘅意義係啲乜?係唔係所有嘢都指標化就一定成功?當然定立指標係為咗公司上下有一個統一嘅方法去量度業務嘅情況,等員工有一個清晰嘅目標。有時有指標係一件好事,不過有時如果有太多指標,或者已經違背定立指標嘅原意,甚至乎有機會走火入魔。只不過要適當使用數據,同定立有用嘅指標其實係一件幾難嘅事!
  • 新班子一個團隊要有效咁做到一啲成績俾人睇係要用人唯才,之前我哋嗰位候任特首林鄭月娥曾經講過佢嘅原則係要廣納賢能。所以好多人都係度等緊佢所謂嘅新政府,新管治係點。究竟三司十三局會係由邊個擔任,因為好多人都已經對今屆嘅政府有好多不滿。如果無乜嘢大嘅改變,基本上係今屆政府嘅延續版。要香港走出過去幾年嘅困局,相信都幾難。而今日終於揭曉佢所謂嘅新班子!