三子案

香港社會點解撕裂?好明顯就係因為政府講一套做一套!嗰頭話要聆聽年輕人嘅聲音,轉過頭就要覆核刑期!一時強調法律,一時強調包容,但係就因政治立場而各有不同嘅緣故!其實都已經預咗個政府係咁,講就好好聽,而且仲大條道理,咁仲講乜嘢無政治考慮?年輕一代係社會嘅未來,一個民主嘅社會係唔應該打壓唔同嘅聲音。官逼民反,道理好簡單,何必要處處逼人?

電視牌

「電視」

今日除咗俾大家嘅智能手錶洗版之外,相信另外一樣嘢就係香港電視得到一個公平嘅裁泱!前年因為「一男子」嘅原因和因素不獲「政府」批發免費電視牌照嘅香港港電視,就發牌「三揀二」提出司法覆核。終於今日高等法院裁定香港電視勝訴!法院要求行政會議要貫切發牌無上限嘅政策同顧及香港電視嘅合理期望。重新考慮對方申請。

鳩嗚呀

「鳩嗚」
其實好多人都唔知點解。所以先解釋下。「鳩嗚」係普通話「購物 gòuwù」嘅音譯,本身嘅意思係「買嘢」。係 2014 年反佔中遊行參與者被傳媒訪問,一時之間諗唔起廣東話點講,用普通話講「購物」一詞,暴露咗外地人身分。後來大家用粵語諧音「鳩嗚」將呢個字寫出嚟,去表達字面上「亂咁嗌」、「亂咁講嘢」嘅意思,同時亦都用嚟諷刺自由行喺香港瘋狂買嘢嘅行為。

法與治

「價值」

我相信每個香港都認同嘅核心價值就係「法治」。法治係一個法律原則,係指在社會中,法律係社會最高嘅規則,有凌駕一切嘅地位而不得輕慢。我亦相信「依法先可治國」,而「政府」的行為必須係法律許可。「狹義」嘅法治認為法治本身並不包含「公正」,但為人提供一個尋求公正嘅法律框架同程序,依據法律治理事情。「廣義」嘅法治擴展了狹義嘅概念,內涵包括保障人權及各種自由等基於法治嘅個人實質權利。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。