點忍心


個人分享
Tagged With: , , , , , , , , ,

做人父母,責任係要保護同愛錫自己嘅仔女!就算有啲乜嘢問題都好,小朋友係唔應該被牽涉在內,亦都唔應該將自己嘅問題發洩係小朋友嘅身上。每次睇到嚟啲新聞都唔明點解啲人可以虐待自己嘅仔女!有時見到自己仔女整親都會心痛啦,所以邊度可以咁狠心虐待自己嘅仔女呢?就算到最後得到法律制裁又點呢?對小朋友造成嘅傷害係一世!

麥明詩


個人分享
Tagged With: , , , , , , , , ,

好多人都應該會記得嚟位十優港姐,除咗佢嘅言論之外,講真一個公眾人物要敢言係一件幾難嘅事。由當日被人發現佢係社交媒體到上載一張身處當時雨傘運動金鐘佔領區嘅照片,並寫上「天下無不傘之筵席」嘅時候,大家都希望佢唔會因為港姐冠軍嘅身份而唔再企出嚟發聲!當然叫不負眾望,係好多唔同嘅事件上都有唔同嘅表態,包括最近嘅「七警案」!不愧係一個法律系畢業嘅港姐!

曾蔭權

上個星期前特首曾蔭權被控公職人員行為失當罪成,當然好多人都會話抵佢死!無可否認佢係有罪,但係佢最起碼唔係一個壞人。一個服務咗香港社會咁多年嘅人,由低做起,直至到特首,咁多年經歷過香港好多風風雨雨!雖然佢未必係一個好嘅特首,但係如果論功績,佢一定比好多人多好多。如果真係講貪嘅話,真係大有人在!如果有罪嘅話,當今特首梁振英都應該一樣有!

好亂呀

唔知點解越嚟越對香港陌生,究竟係啲乜嘢問題?當然每一個社會都可以容納唔同嘅聲音,但係慢慢發現有啲人嘅思想同言論真係無辦法去理解。執法人員竟然知法犯法,但係佢哋竟然係受害者,需要幫忙?我有無聽錯?會唔會因為佢哋濫用私刑,所以導致今日嘅結果?今次有可能係咁啱俾人影到,但係現實又有幾多係大眾睇唔到?咁警察同黑社會有啲乜嘢分別?

超荒謬


個人分享
Tagged With: , , , , , , , , ,

「創新」

今日最多人係社交媒體到討論嘅就當然係「UBER」啦!咁我就當然撐佢哋啦,而佢哋係有問題,但係呢個唔係重點。個重點係香港呢個政府真係講一套做一套,雖然話係現今嘅法律下佢哋係有可能或甚至乎犯咗法。但係香港政府成日話要創新同吸引外國嘅創新公司同投資者嚟香港,而今次打擊所謂嘅白牌車就再次令香港人對比傳統的士嘅不同問題!同時亦對香港嘅形象有所影響。

 
  • 耐力賽係香港要接觸賽車嚟項運動係一件極度困難嘅事!當然好多人都鍾意賽車,只不過香港就無咁嘅地方同條件去孕育賽車手。好多時要賽車就要去中國先至有正規嘅賽車場。之前係香港其實係有探討過係大嶼山興建賽車場,但係最終都被否決。但係邊個話香港人無能力係國際賽車賽事入面取得好嘅成績?香港都有好多職業嘅賽車手,只不過大家好少關注嚟方面嘅新聞啫!
  • 建築師記得中學嘅時候自己想做建築師,但係就唔記得乜嘢原因,而係外國讀書嘅時候其實係有一個星期比我哋去做工作體驗。當然嗰陣時就去咗一間建築公司返咗一個星期工,不過當然到最後都只係幫手影印文件啦。讀建築其實都幾辛苦,基本上所需要嘅時間同讀醫科差唔多,再加上經常無得瞓,所以最後都無向嚟個方向發展。其實講到尾自己都係鍾意設計多啲。
  • 有嘻哈好多時做巿場推廣,品牌都會顧及自己嘅形象。不過有時自嘲一下真係無妨,就好似「譚仔」同「100毛」合作嘅一條新片。《譚仔有嘻哈》係一套勵志劇?而除咗有粵語同英語之外,仲有譚仔話?吓唔知乜嘢係譚仔話?咁好明顯你無去過譚仔啦!有時品牌係需要大膽啲,當然就算自嘲都有可能係反效果,不過今次譚仔條片真係幾好笑!有時間嘅話不妨睇下笑下!
  • 再見了認識你應該有二十年,因為同你哋一班朋友嘅生活唔同,其實真係好少機會一齊玩。不過唔記得點解大家有一段時間有過深層次嘅交談。雖然生活同社交圈子唔同,不過睇住你拍拖,結婚,生仔,有一個美滿嘅人生嘅時候,兩年前一個大家都會震驚嘅消息令我覺得天意弄人!好多嘢都唔明白,好多嘢都唔公平!自你開始記錄你嘅經歷,你所寫嘅每一篇文章我都有睇完。