幾番新


個人分享
Tagged With: , , , , , , , , ,

十年人事幾番新,自從離開咗大公司之後,已經好多年無見過自己以前嘅團隊,再見面嘅時候大家都講起以前嘅事。過咗咁多年,大家都已經各散東西,亦有唔同嘅成就。畢竟大家都會懷念以前一齊拚搏嘅日子,而最早一齊工作嘅團隊不經不覺已經相識咗十三年。回想起五年嘅時間,原來我哋做咗好多嘢,諗返都覺得有少少變態,由十三個人變咗三百幾人,不過慶幸當時所作嘅每一個決定都係正確。

對與錯


個人分享
Tagged With: , , , , , , , , ,

你曾經試過問自己究竟乜嘢係對與錯?以為自己做咗啱嘅決定,但係原來係錯,而以為自己做咗錯嘅決定,反而原來係啱?不過人生係唔係只有對與錯?每個決定嘅背後,有思考過,有衝動過,有理性過,有感性過,所以無話乜嘢係對的定係錯的,只有自己的!只有自己先至可以承擔自己嘅人生,就算有一百個人話你錯又點,有時係要堅持自己嘅決定!

超辛苦


個人分享
Tagged With: , , , , , , , , ,

當然決定咗嘅嘢係無得返轉頭,與其諗點解當初有咁嘅決定,倒不如繼續向前行。要堅持一樣嘢係好辛苦嘅一件事,而放棄就係一件談何容易嘅事。有時堅持所付出嘅代價係好大好大,但係有時亦都要面對現實。辛苦係在所難免,只係有時係需要比自己有休息嘅空間,重整一下再堅持過。因為有啲問題係需要解決,而個啲問題係有逼切性,就算幾想堅持都好,現實係殘酷嘅!

取其一


個人分享
Tagged With: , , , , , , , , ,

今年其實就預咗起起跌跌,但係無諗過下半年一開始,整個人完全無晒方向。對上個次我諗係七年前啱啱返嚟香港嘅時候,不過最起碼嗰陣時還有一個目標。或者依家要考慮嘅嘢比起七年前還要多,好多嘢都唔希望淨係取其一。係唔係所有嘢都只有一條路?當然我唔相信人生只有一條路,而唔係個個人都會捨易取難。雖然選擇咗嘅嘢係無得返轉頭,但係最起碼有一個決定。真係希望人生可以輕鬆啲,平淡啲,咁就好了。

天文台

其實如果天文台話會改掛八號風球,啲人先至鬆人返屋企,其實係唔係已經會有危險嘅呢?老實講如果天文台話未來一兩小時會改掛八號風球,係唔係應該所有人都已經要開始準備返屋企呢?不過如果知道會打大風,其實都無乜生意做㗎啦,倒不如早啲執嘢俾啲員工走人。安全最緊要,更何況今次真係食到正一正!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。