複雜性


個人分享
Tagged With: , , , , , , , , ,

好多人都低估咗數據分析嘅複雜性!複雜嘅原因未必係因為你有好多數據,而係究竟知唔知道點解要收集數據同收集返嚟之後究竟點樣去用。雖然話數據科學家係要係海量嘅數據入面搵一啲有用嘅訊息,但係決定性係在於當初啲數據係點樣收集返嚟。如果一開始啲數據就已經係錯甚至乎唔知點解要收集嘅話,其實都唔需要分析都知道最後都係會得個吉,浪費時間。

放霧霾


個人分享
Tagged With: , , , , , , , , ,

我其實好鍾意影煙花,真係有諗過連續影十二年,將十二生肖嘅煙花匯演都影晒。我有一年真係好早去到尖東海旁去霸位,但係真係好天曬落雨淋。不過如果講地點嘅話真係最近同最有利!影煙花真係好睇天氣,所以有時天氣唔好,雲層低,無乜風嘅話,影完第一輪之後基本上好多時都係影煙多。有時真係睇彩數,而之前影咗四年,印象中只有一年真係講得上天朗氣清。

霧霾天


個人分享
Tagged With: , , , , , , , , ,

相信好多人都會聽過煙霞或者霧霾嚟兩個字,而大部份人只係知道係形容空氣污染。其實霧霾係一種由固體粒子形成嘅空氣污染,其核心物質係空氣中懸浮嘅灰塵粒子,氣象學上稱為氣膠粒子。霧霾含有數百種大氣化學粒子物質,佢哋係人類毫無防範嘅時候侵入人體嘅呼吸道同肺葉中,而引起呼吸系統疾病,心血管系統疾病,血液系統,生殖系統等疾病。長期處於嚟種環境亦有機會誘發肺癌,因為霧霾嘅危害等同吸煙。

螢光棒


個人分享
Tagged With: , , , , , , , , ,

螢光棒入面係含有雙氧水,苯基草酸酯同螢光染料,我哋只要屈曲螢光棒再令到螢光棒入面裝有化合物嘅玻璃管斷開,當各種化合物及染料混和之後就會有發光嘅效果。早係二零一四年,其實已經有報告指出螢光棒入面嘅物質大多數係苯二甲酸二甲酯同苯二甲酸二丁酯。一旦洩漏就有機會引致吸入性中毒,皮膚接觸性中毒及誤食性中毒。小朋友接觸到嘅話,更有機會出現頭暈,麻痺同昏迷嘅狀況。

切錯肺


個人分享
Tagged With: , , , , , , , , ,

「醫療」

香港嘅醫療真係越嚟越差,而家去政府醫院睇醫生真係乜都有可能發生!雖然自己屋企都發生過唔少匪夷所思嘅醫療事件,但係而家差到一個地步你會以為自己去咗睇無牌醫生咁。醫療事故真係日日新鮮,當然我唔係話批評所有醫生同護士事,因為香港係有好醫生同護士只不過好個班大部份都唔會係政府醫院度工作。所以去政府醫院睇醫生簡直好似買六合彩咁!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。