林子健

老實講,一開始聽到有民主派嘅人俾內地執法人員擄走,當然覺得好離譜。但係諗深一層就真係有少少奇怪,因為無啦啦劉霞會想要一張美斯嘅簽名相?點解一個人被人虐待之後,竟然唔係去醫院而係返屋企沖涼?最神奇嘅係咁多訂書釘,唔通真係唔痛,點解仲要開咗記者會先?真係好多問號!究竟係真係俾人擄走虐待,定係一個自編自導嘅故仔?無論係點,都真係要查清楚先至知道。

忘不了

究竟有幾多年輕人會去悼念六四?佢哋就算去嘅話,其實係唔係為咗趁熱鬧?定係因為朋友或者屋企人話去所以就去?無論係點,新世代應該需要完全了解當年所發生嘅每一件事!用武力去鎮壓手無寸鐵嘅學生,其實同大屠殺係無分別,與此同時大家亦都應該去了解事件嘅始末。其實用乜嘢形式去將六四嘅歷史保存同傳承係一個好重要嘅議題,因為大家唔希望嚟段歷史慢慢咁俾人忘記!

講民主


個人分享
Tagged With: , , , , , , , , ,

民主就係指每一個人都有自己嘅空間同自由去做任何嘢。好多人雖然對今次嘅美國總統大選感到意外,但係不得不承認嚟個就係一個民主嘅社會,而結果係有大部份嘅美國人都支持特朗普。有啲人會話嚟個就係民主社會嘅漏洞,但係其實嚟個正正係一個防止一權獨大嘅機制所產生嘅結果。就算有幾唔想特朗普做總統都好,而家已經係一個無可改變嘅事實。大家唯一可以做嘅就係希望佢做好以下落嚟嗰四年總統,等下次大選嘅時候再用選票踢佢走。

彭定康


個人分享
Tagged With: , , , , , , , , ,

相信好多年輕人都未必唔認識「彭定康」嚟個人。因為佢係香港最後一位港督,而佢嘅任期係由一九九二年開始直至香港係一九九七年回歸中國為止。當時好多香港人都稱呼佢做「肥彭」,而佢亦都係好多人心目中係一個好嘅管治者。係佢就任期間當然有做得好嘅,亦都有做得差嘅,不過最起碼佢所做嘅嘢到而家好多香港人都記得。尤其係改革立法會嘅委任制度同終止由總督出任立法局主席。無論係點,係大家嘅心目中佢係一個好親民嘅港督!

適可而

好多時做任何嘢都應該諗下後果,因為唔係樣樣嘢都可以返轉頭。有時有啲嘢真係要識可而止,有時玩大咗真係收唔返,過咗火就係過咗火。無論係立法會又好,香港政府又好,其實大家都應該諗下點樣先至可以令香港向前行,就算唔向前行到唔好向後行先得架。當然候任立法會議員有不當嘅行為,但係政府亦都要識可而止,唔好搵藉口破壞香港係一國兩制下,三權分立嘅制度!

 
  • 你可以早前睇到一位朋友分寫咗一篇文章,睇完之後有點當頭棒喝嘅感覺。我哋係嚟個城市,嚟個世代生存,每個人都好努力咁為生活而奔跑。當然世界會變,而好多時亦都因為大家成長嘅年代唔同,亦都經常以一副我食鹽多過你食米嘅態度,慢慢覺得一代不如一代。但係我哋曾幾何時亦都俾上一代給予同樣嘅批評?只係時代唔同咗,與其抱怨社會只會越嚟越差,但係點解又唔諗下點樣令佢變好呢?
  • 港德育教育小朋友除咗學術方面之外,其實個人認為比學術更加重要嘅係德育。因為德育係要由細開始培養,而學術真係幾時都學得到。一個小朋友成長後點樣待人處事其實係書本入面係學唔到嘅。唔同嘅國家有唔同嘅標準,亦都因為小朋友大部份成長嘅時間係校園,所以要選擇一間好嘅德育其實係重要過一間只係專注學術嘅學校。就算讀書又幾叻都好,如果無好嘅品德其實就已經大打折扣。
  • 標誌論相信大家日常都會接觸到唔同公司嘅標誌,只不過有幾多人會知道標誌背後嘅意思?當然好多時都要問下設計師點解會有咁嘅設計。人一般處理圖像比較快,所以係生活上好多嘅嘢都會利用標誌嚟代替文字。我哋最常接觸嘅就一定係路牌,好多一睇就明白當中嘅意思。當然有時亦都會遇到一啲比較差嘅設計,除咗無達到標誌嘅目的,反而更能原本嘅意思更加混淆。
  • 食老本相信好多人都會問究竟IBM而家究竟係一間乜嘢嘅公司?其實作為前員工,我都會問同一個問題。因為換咗行政總裁之後,老實講真係唔知做緊啲乜嘢。大部份人仍然停留係當年賣電腦嘅年代,只不過自從佢哋將整個個人電腦部門買咗俾聯想之後,其實就一直不斷轉型。當中最主要嘅仍然係諮詢服務為主,提供唔同嘅企業方案,而另一樣嘅就係人工智能。