單車節


個人分享
Tagged With: , , , , , , , , ,

近年香港踩單車嘅風氣越嚟越旺,而每當單車節都有好多人報名參賽。今年有近五千名參賽者參加,而當中有一半挑戰五十公里嘅賽事。因為途經三隧三橋,即係長青隧道,青馬大橋,汀九橋,南灣隧道,昂船洲大橋同尖山隧道,所以沿途嘅風景真係平時只可以揸車經過。不過而家唔知自己嘅體能去到邊度,同時真係太多年無踩單車,如果唔係都想去參加。

曹星如

曹星如生於香港,出身自拳擊世家,係十二三嘅時候開始接觸拳擊運動,其後三次贏得香港業餘比賽冠軍。係二零一二年成為亞洲洲際金腰帶得主,職業生涯至今保持不敗,錄得二十二連勝。傳媒冠以「神奇小子」嘅外號。係二零一七年一月二號,國際拳擊賽主辦單位:世界拳擊組織公布二零一六年十二月嘅拳手排名,曹星如登上超蠅量級拳手第一位,亦係第一位能達到該個排名嘅香港拳手。

港電競

相信好多人都會話打機打得多無益,其係又錯唔晒。不過其實有研究指出其實適當打機係有助小朋友嘅成長。只不過有幾多人知道而家有一種行業真係靠打機為生?而且遊戲產業嘅市場相當龐大,近年亦都因為智能手機嘅出現令到遊戲開發嘅成本大大降低。不過要有一隻家傳戶曉嘅遊戲就真係好難!係世界各地都開始興起電子競技,而韓國目前被認為係電子競技最強嘅國家!

有無獎

又到咗一年一度嘅香港資訊及通訊科技獎,而對於近年有獎項嘅問題同爭議,希望今年再唔好發生。作為一個個認受性甚高嘅獎項,如果因為某啲問題令到認受性下降,最終損失嘅係比賽主辦單位嘅聲譽同香港獎項係國際嘅認受性。所以如果今年就發生往年嘅事件,到最後個比賽嘅意義就會慢慢失去。變相有無獎項都唔緊要。其實係外國都有類似嘅問題,希望我哋香港嘅獎唔會淪落到絲毫不直嘅地步!

爬行賽


個人分享
Tagged With: , , , , , , , , ,

「爬行」

每個小朋友都要經過爬行呢個過程,之前我同老婆都怕郭大少佢直接跳過爬行嚟個階段,因為佢一直淨係翻身但係唔爬。佢最鍾意就係企起身,有時仲想學行咁,所以都怕佢係嗰啲未學爬先學行嗰啲小朋友。而前嗰排,老婆帶佢落過幾次屋企樓下個會所,佢淨係望住其他小朋友觀察佢哋,之後冇幾耐返到屋企就開始識爬。依家真係越爬越叻,越爬越快,真係開始看牛牛!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。