再見了


個人分享
Tagged With: , , , , , , , , ,

認識你應該有二十年,因為同你哋一班朋友嘅生活唔同,其實真係好少機會一齊玩。不過唔記得點解大家有一段時間有過深層次嘅交談。雖然生活同社交圈子唔同,不過睇住你拍拖,結婚,生仔,有一個美滿嘅人生嘅時候,兩年前一個大家都會震驚嘅消息令我覺得天意弄人!好多嘢都唔明白,好多嘢都唔公平!自你開始記錄你嘅經歷,你所寫嘅每一篇文章我都有睇完。

一七年


個人分享
Tagged With: , , , , , , , , ,

二零一七應該係我人生入面最差嘅一年!由頭到尾其實都唔知今年做咗啲乜,只係知道每一日都有唔同嘅問題要處理!真係可以話十個煲得一個蓋去形容。本來以為年尾可以好過返少少,點知到最後仍然仲未有啲乜嘢突破!雖然每日都希望用一個正面嘅心態去看待困難同逆境,但係每日得到嘅係無數嘅批評同責備。雖然嚟到今年嘅最後一日,情況依然未有改善,只係希望新嘅一年做返自己!

美麗的


個人分享
Tagged With: , , , , , , , , ,

你有無講過謊言?每個人一生或多或少都有講過,而有時因為某啲原因會講一啲所謂美麗的謊言。當然好多人都會用好多唔同嘅原因同理由令美麗嘅謊言合理化,或者當時係出於好意,只不過總有一日都要面對現實。有時現實嘅真相或者對當事人嘅衝擊好大,但係總好過事隔好多年之後先至知道真相。當知道真相嘅時候,所造成嘅傷害比起當時或者更加嚴重。

不如意


個人分享
Tagged With: , , , , , , , , ,

其實唔知係唔係自己係度逃避緊,刻意唔去諗,好似唔係好想面對。話就話有心理準備,但係真係太過突然。個人真係有少少一片空白,除咗必須要做嘅嘢之外其實真係想自己一個靜下。今年真係有太多阻滯,去到一個點真係想問幾時先至會回覆正常。雖然日日都同自己講,過咗今日聽日會好啲,但係可唔可以俾我抖一抖。可唔可以俾一啲曙光我呢?就算幾正面都好,都總會有負面嘅時候。

正能量


個人分享
Tagged With: , , , , , , , , ,

「講笑」

好多時你會以為我嬉皮笑臉,樣樣嘢都好似玩玩下咁,又成鬼日講笑。其實我只不過係掩飾緊我啲負面情緒,因為凡事我都會向好嘅方面諗,事關無嘢係解決唔到。處理逆境就係要平常心,要處之泰然,唔好轉牛角尖。只不過真係講就容易做就難,有時真係俾啲負面嘢搞到自己好鬼忟憎!間唔中真係會失控!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。