坐完月


個人分享
Tagged With: , , , , , , , , ,

「滿月」

今日「晞暘」滿月啦!話咁快就已經出咗世成個月,時間真係過得好快。日日對住佢都覺得佢大得好快,雖然做到無停手,但係見到佢開開心心,食飽好滿足個樣,真係幾忙都唔記得咗。而家肥返啲,越嚟越得意。得閒同你笑一笑,真係俾佢激鬼死。肚餓要食嘢就一秒都唔等得,係咁喊,有時喊到紅卜卜真係比佢嚇死!所以每次去到咁嘅位,一定要抱起佢氹返佢!

港家長

「怪獸」

好多人都會講,香港嘅家長係怪獸,係直升機。當然大家經常性係報紙雜誌都睇到一啲離晒大普嘅新聞。講真我都好怕我會變成怪獸家長,所以經常同身邊嘅朋友講,如果我怪獸嘅話,唔該同我講。就算我唔覺,至少身邊有人提醒下我。當然我知呢件事係幾難,因為做人父母都會好保護自己嘅仔女。大部份嘅時間都應該聽唔入耳。所以先寫呢篇文嚟提醒自己!

痴咗線

「痴咗」

近排好忙,忙到越嚟越少時間睇新聞(主要新聞來源其實係 Facebook)。不過睇到幾篇新聞真係覺得係唔係我唔正常,定係有啲人精神錯亂,痴咗線?有建制派嘅議員竟然提出建議係東鐵線設立水貨客專用車廂?人哋澳洲同英國政府出手幫人買樓,香港政府就話買唔起就唔好買?科技局仲未開就請咗人,仲勁到無啦啦邊咗顧問?不過今日想講水貨同買樓先!

平安夜


個人分享
Tagged With: , , , , , , , , ,

「歷史」

唔講你唔知。係 1914年12月,大舉進犯嘅德軍與抵禦入侵嘅協約國軍沿著比利時與法國戰線嘅戰壕對峙。雙方士兵係溼透嘅壕溝中隔住好多死傷同袍嘅三不管地帶向對方射擊。但係 12月24日嚟一日,係西方戰線沿線嘅交戰點,德軍士兵將點上蠟燭的樹放置在戰壕嘅胸牆上,協約國士兵也善意回應,雙方共同創造了意外嘅和平:那次係第一次世界大戰嘅耶誕休戰,嚟件事係發生係100年前嘅今日。

港前後

「之前」

八十日前,每個香港人日日為兩餐,拼命奔波勞碌,個個正正常常返工返學。雖然對香港各種社會問題有唔同睇法,對政府亦十分不滿。即使係咁,大家都硬着頭皮去過。嚟個係香港,一個現實嘅社會,利字當頭,要生活要安居樂業,又可以怪誰?只怪我哋慢慢接受嚟種生活,隨波逐流,而被環境一直吞噬。港孩,怪獸家長,文化沙漠,自由行,爭學位,爭奶粉,爭床位,等等都係好正常。。。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。