向錢看


個人分享
Tagged With: , , , , , , , , ,

好多時都會聽到有人批評時下嘅年輕人,而其實每個年代都會遇到同樣嘅情況。不過新一代真係睇錢睇得比較重,嚟個問題其實嚟自而家嘅社會環境。如果你問大部份嘅年輕人要自己出嚟租層樓住嘅話,我相信好多都會同你講無可能。就算租間套房都起碼要六七千蚊啦,而人工一般都係萬幾蚊個月。再加上向上游嘅機會少,又無前途,又無錢財,咁好自然睇錢做人啦。

大連市


個人分享
Tagged With: , , , , , , , , ,

唔知有幾多人知道大連市係邊,最起碼十幾年前我真係連嗰名都未聽過。只係因為澳洲舊老細話有個位係大連,要一個人去管理一個新嘅團隊,所以就有前無後咁應承咗佢去大連。原本諗住只係去兩年攞經驗,點知一去就五年,不過亦都係事業發展得最快嘅五年。唔經唔覺真係離開咗近十年,一直都無機會再返去。事關都真係幾遠,而每一都只係得一班機係香港飛大連。

諾基亞

仲記得好多年前因為公司一個項目要去諾基亞芬蘭嘅總部去開會,亦都係因為嚟個項目去咗芬蘭好幾次。最深刻嘅一定係晏晝收到電話話要後日開會,搞到要臨時臨急訂機票同酒店。由早上六點係屋企出發,先由大連先飛到北京,再由北京飛到法蘭克福,然後再轉機由法蘭克福到赫爾辛基,之後到酒店嘅時候已經係當地凌晨。點知去到酒店一睇電郵先至話個會取消,要一個星期後先開,等我滯留喺芬蘭足足一個星期!

搵拍檔


個人分享
Tagged With: , , , , , , , , ,

好多人都會問點解我咁耐以嚟都唔搵個拍檔,又或者點解唔去搵投資者。其實原因好簡單,就係因為第一次創業係因為拍檔嘅問題,到最後不歡而散,朋友都無得做。而如果引入投資者,當然可以好快咁擴展業務,但係同時話事權少咗,仲要追數,以致影響公司本身嘅方向。所以到而家仲係無拍檔,無投資者。因此好多嘢都係為自己負責,好多嘢都係自己一力承擔。

要冒險


個人分享
Tagged With: , , , , , , , , ,

人生每一日都係一個新嘅挑戰,無人知道聽日會發生啲乜嘢嘅事。前幾日同一位朋友傾計,發現而家有好多公司嘅管理層唔敢冒險。好多時要突破就需要冒險,當然有時要衡量輕重,唔係心口掛個勇字就得!但係如果連冒險嘅精神都無,基本上同固步自封無分別。不進則退,如果退無可退嘅話,基本上就係坐以待斃,等死。點解香港好年輕人做一兩年就唔轉工?好多時係因為機會!如果無機會向上行咁有乜作為?

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。