領導者


個人分享
Tagged With: , , , , , , , , ,

領導係帶領嘅意思,如果只係一直跟從別人嘅指令去工作嘅話,其實毫無領導可言。而一個成功嘅領導者通常都具備以下嘅五樣特質,當中包括:決斷能力,有同理心,承擔責任,保持樂觀,專注向前!當然領導者亦都有唔同嘅類型,係唔同嘅環境入面會發揮不同嘅作用,所以有時唔係領導者嘅問題而係領導嘅方法未必適合某啲公司嘅文化。用人唯才先至係管理同領導上策!

人揀你


個人分享
Tagged With: , , , , , , , , ,

而家有好多嘢都唔係話你想點就點,睇落你好似有得揀,但係實際係無得揀。點解?因為唔係你揀人而係人揀你。讀書係學校揀人,搵工係公司揀人,搵生意係客戶揀人,樣樣嘢都係人哋揀你。咁有乜嘢係自己揀?其實就算俾你千揀萬揀,揀完之後人哋話啱嘅話,最後你都無計。當然有時係要檢視自己做選擇嘅時候究竟有啲乜嘢條件係必要,有啲乜嘢只係有會好啲但係非必要,如果唔係其實只係自己開嘅條件太過苛刻。

等升職


個人分享
Tagged With: , , , , , , , , ,

不論一間公司係大定細都好,其實都係一個金字塔!而慢慢每個打工仔都會發現自己可以向上游嘅空間會越嚟越細。嚟個係一個無可避免嘅現實,只不過大部份嘅打工仔都依然希望有晉升嘅機會。只不過越接近金字塔頂,所需要嘅能力係有啲唔同,因為所兼顧嘅嘢再唔係一板一眼嘅功夫。當然每個老闆嘅要求都唔同,而有啲員工以為自己做得夠耐,晉升嘅機會會比起講入公司嘅高。只不過嚟個係一個一廂情願嘅諗法!

天地人


個人分享
Tagged With: , , , , , , , , ,

好多人都會話時機係好重要,無論做任何嘢時機都係成功嘅一部份。正所謂時勢造英雄,英雄造時勢,就算你有條件都好,其實都未必可以一展所長。其實人生好多時都要睇機遇,而有時係需要等待。認識好多朋友都係經過好多年嘅堅持先至等到一個機遇,但係亦都有好多朋友因為唔同嘅原因中途被逼放棄。所以當機會嚟到嘅時候無好好把握嘅話,當機會走咗嘅時候就白白錯過。當然係機會嚟到之前亦要裝備自己,如果唔係就算機會嚟到你都未必準備好。

 
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先?
  • 搭巴士香港人好依靠公共交通工具,尤其係巴士。有時揸車嘅時候真係會遇到一啲罔顧乘客安全嘅巴士司機。近年真係發生咗唔少嘅巴士意外,有啲都幾嚴重。作為一間巴士嘅營運商,聘請巴士司機嘅時候應該係要非常嚴謹,除咗要有定期嘅評核之外當然亦要給予足夠嘅培訓比車長。講到尾,一架載滿人嘅雙層巴士有一百人以上,如果出現意外嘅話係會造成嚴重嘅傷亡!
  • 大風雪雖然以前住大連嘅時候,冬天落雪係好正常,不過真係好多年無去過落雪嘅地方。一般落雪嘅地方都會有暖氣,所以其實係室內都唔會太凍。不過一出去就會凍到變雪條!最記得有一次去芬蘭工作,因為大風雪搞到班飛機遲咗一個鐘頭先至降落,一落機先知到真係好誇張,應該係咁多年遇到嘅最大風雪。不過落雪真係好靚,白濛濛一片真係好舒服!