不如意


個人分享
Tagged With: , , , , , , , , ,

其實唔知係唔係自己係度逃避緊,刻意唔去諗,好似唔係好想面對。話就話有心理準備,但係真係太過突然。個人真係有少少一片空白,除咗必須要做嘅嘢之外其實真係想自己一個靜下。今年真係有太多阻滯,去到一個點真係想問幾時先至會回覆正常。雖然日日都同自己講,過咗今日聽日會好啲,但係可唔可以俾我抖一抖。可唔可以俾一啲曙光我呢?就算幾正面都好,都總會有負面嘅時候。

老本行


個人分享
Tagged With: , , , , , , , , ,

其實我真係唔係一個天生嘅銷售員,因為我講嘢真係唔叻,有時甚至開口夾著脷。不過好多時或者就係因為咁嘅原因,以前係公司又好,同其他公司又好,反而好多管理層都願意聆聽我嘅意見。當然唔係個個都想聽到事實,所以講到尾都係要包裝一下,令到個故事可以點到即止。不過近年真係好少有機會做一啲大型嘅會議,唔知自己仲有幾多斤兩呢?

開完班

要做兩日嘅課程真係唔容易,尤其係內容安排同要照顧每位嚟上堂嘅期望。而今次係第一次完完整整,由頭到尾咁講完數據分析嘅流程,每一環會做嘅嘢,其實真係第一次。當然更加重要嘅係嚟上堂嘅朋友要同公司申請兩日嚟,真係感激!過去嗰幾日真係為咗整理教材真係無乜點瞓,對精神需求真係好大。希望如果下次再搞嚟個課程會做得更好,如有不足,多多包涵!

滴晒汗

「創科」

今日「創新及科技局」終於成立,但係希望嚟個局真係做返啲實事。當然好多人反對開嚟個局,其實明白大家嘅憂慮同原因,但係依家香港嘅科技發展真係停滯不前。香港係唔係無能力?其實唔係,只不過首先要大家尊重科技人才,尊重創新科技嚟行業。因為好多人覺得資訊科技無前途,搵唔到食,依家業界嘅斷層就好似建造業咁。希望業界做好監察嘅角色同希望嚟個局唔好一意孤行,浪費資源!

「雨。感受」133

「點解」

自問從前是個政治冷感,只會在每年“六四”集合中出現,其他的事,大多數都是置身事外。但今次由罷課開始,見到細我好多的學生為了未來而勇敢站出來,記得佔領初期,當我在銅鑼灣見到班學生時,真的感動到喊了出來!在那一刻,我自己都決定站出來,雖然自知沒有能力改變什麼,但起碼可以保護到班學生。

 
  • 做博客而家做博客其實真係好簡單,簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品,然後就希望博客係自己嘅博入面分享下。當然有啲係有錢,有啲係無錢,亦都有啲係邀請你去某啲私人活動。自問就真係冇做博客嘅條件,寫嘢都係因為個人嘅興趣,想了解文字與數據嘅關係,而最緊要係記錄生活嘅點滴。
  • 領導者領導係帶領嘅意思,如果只係一直跟從別人嘅指令去工作嘅話,其實毫無領導可言。而一個成功嘅領導者通常都具備以下嘅五樣特質,當中包括:決斷能力,有同理心,承擔責任,保持樂觀,專注向前!當然領導者亦都有唔同嘅類型,係唔同嘅環境入面會發揮不同嘅作用,所以有時唔係領導者嘅問題而係領導嘅方法未必適合某啲公司嘅文化。用人唯才先至係管理同領導上策!
  • 放得下人一生最重要嘅一樣嘢就係要學識點樣放得低,因為人出世嘅時候係乜都無,離開嘅時候亦都係乜都無。當然人天生係執著,要經歷唔同嘅磨練先至會學會放低。而如果要放低以下十樣嘢嘅話,你又會放得低幾多?當中包括:抱怨,過去,煩惱,自我,脾氣,懶惰,消極,妒忌,猶豫同貪念。人生要活得輕鬆自在唔係一件易事。學識逐一放低其實先至會活得開心。
  • 你可以早前睇到一位朋友分寫咗一篇文章,睇完之後有點當頭棒喝嘅感覺。我哋係嚟個城市,嚟個世代生存,每個人都好努力咁為生活而奔跑。當然世界會變,而好多時亦都因為大家成長嘅年代唔同,亦都經常以一副我食鹽多過你食米嘅態度,慢慢覺得一代不如一代。但係我哋曾幾何時亦都俾上一代給予同樣嘅批評?只係時代唔同咗,與其抱怨社會只會越嚟越差,但係點解又唔諗下點樣令佢變好呢?