再見了


個人分享
Tagged With: , , , , , , , , ,

認識你應該有二十年,因為同你哋一班朋友嘅生活唔同,其實真係好少機會一齊玩。不過唔記得點解大家有一段時間有過深層次嘅交談。雖然生活同社交圈子唔同,不過睇住你拍拖,結婚,生仔,有一個美滿嘅人生嘅時候,兩年前一個大家都會震驚嘅消息令我覺得天意弄人!好多嘢都唔明白,好多嘢都唔公平!自你開始記錄你嘅經歷,你所寫嘅每一篇文章我都有睇完。

雪中炭


個人分享
Tagged With: , , , , , , , , ,

每個人一生都會遇到唔同嘅困境,但係當你有事嘅時候邊個會嚟幫你?當然無人有責任一定要幫你,好多時都會好客氣咁同你講幫唔到你。有時要開聲去搵人幫手唔係一件易事,人哋幫唔幫你係佢哋嘅個人選擇。但當有朋友會出手相救嘅時候你就會覺得佢哋雪中送炭,求你一命。嚟啲朋友真係兩脇插刀,真係多謝佢哋係無助嘅時候出手扶你一把。除咗感激之外真係唔知講乜嘢好。

點講好


個人分享
Tagged With: , , , , , , , , ,

每次睇到一位朋友嘅網誌都百感交集,因為佢將過去一年自己抗癌嘅經歷全部紀錄落嚟。由知道佢有病開始,到佢開始寫網誌,基本上佢每次一有新嘅網誌,我都會去睇。雖然只係通過文字知道佢嘅狀況,但係已經感受到佢所經歷嘅每一件事。有時心入面真係唔好受,經常會問,點解會發生係佢身上?點解每次好似見到佢好返少少嘅時候,又會出現其他嘅問題?

飲飲酒


個人分享
Tagged With: , , , , , , , , ,

每年我同老婆都會去一年一度嘅美酒佳餚節,而前年去嘅時候都仲未知道有咗郭大少,去年因為郭大少只係出咗世三個月所以無去,今年當然要去飲飲食食啦!不過每年都係超多人,而且入到去除咗要門票之外仲要品酒券,當然飲酒就要酒杯啦所以如果你無自備嘅話都要平平地買隻膠杯仔。不過最貴嘅其實唔係啲酒而係入面啲嘢食,真係是是但但都要你三四百蚊,重要大部份係唔飽兼唔好食。所以可以嘅話真係自備嘢食會好啲!

生日會


個人分享
Tagged With: , , , , , , , , ,

「生日」

其實人越大,自己對生日嚟樣嘢就越嚟越唔重視,所以無乜話點樣慶祝。細個嘅時候當然希望生日會有一個生日會同一班朋友慶祝,可以盡情玩之餘又有好多禮物收。我諗每個小朋友都會係咁諗。而對上個次我自己同一大班人慶祝生日,我諗都已經係十幾年前嘅事。只不過我當然希望每一年都同郭大少搞生日會啦,因為佢大咗之後佢就會有自己嘅慶祝方法!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。