等等等


個人分享
Tagged With: , , , , , , , , ,

其實我係一個好心急嘅人,最憎嘅就係等。如非必要真係唔好叫我排隊,就算係排都係一啲特別嘅原因。當然有人會話等待係耐性嘅一種,但係如果等待嘅回報唔係成正比嘅話,咁其實就係浪費時間。當然有時等到最後係得個吉,但係有時都真係無嘢可以做到,所以只可以等。當然有啲嘢係要堅持,而堅持係等待嘅一種。今年好多嘢都係身不由己,好多嘢都只可以等!

被遺忘


個人分享
Tagged With: , , , , , , , , ,

其實好多時好多嘢都係被遺忘,正確啲講係因為生活同時間導致被遺忘。就算幾大件事都好,每個人都會因為生活而忘記咗某啲事同物。雖然係嗰一刻嚟講係好緊要,但係慢慢經過時間洗禮,每日忙碌嘅生活,好多時不經不覺就已經忘記咗。只不過當有一日再遇到某啲事同物,嚟啲記憶又會再一次被勾起,只不過再重唔重要?當然無一個絕對嘅答案,因為每個人都唔同!

買唔到


個人分享
Tagged With: , , , , , , , , ,

係嚟個世界上有好多嘢係用錢買都買唔到!就好似時間咁樣,一分一秒咁樣過,無得返轉頭。當然好多人都會話要善用時間,想每分每秒都用得其所,因為人生話長唔長,話短唔短,應該用最短嘅時間做最多嘅嘢。以前或者想一日有四十八小時,因為啲嘢做極都做唔完。但係人大咗,而家就希望時間唔好過得咁快,因為唔想郭大少大得咁快。但係點都好時間係買唔到。

突破點


個人分享
Tagged With: , , , , , , , , ,

好多時人生都會去到一啲樽頸位,無論行前定行後,行左定行右,感覺都好似怪怪地咁。所以大部份時間都只係會原地踏步,甚至乎因為原地踏步嘅時間太耐,導致無辦法去突破,結果就係不進則退,退到一個點自己都已經迷失方向。有時太過想突破反而累事,因為希望快啲有啲改變,就係咁得不償失。有時真係急都急唔嚟,唯有見步行步希望慢慢可以搵到突破點。

錯過咗

你人生錯過咗啲乜嘢會令你最後悔?有啲人係話感情,有啲人係話工作機會,有啲人話陪伴自己仔女成長!當然每個人係人生入面都會錯過咗某啲嘢,但係如果你問每一個父母嘅話,好多時佢哋最後悔嘅原來係無陪伴自己仔女頭個幾年嘅成長!好多人都會話因為生活,所以無辦法!或者嚟個係香港嘅社會問題,所以好多人就算知道會錯過自己仔女成長嘅階段,但係都無辦法!

 
  • 人揀你而家有好多嘢都唔係話你想點就點,睇落你好似有得揀,但係實際係無得揀。點解?因為唔係你揀人而係人揀你。讀書係學校揀人,搵工係公司揀人,搵生意係客戶揀人,樣樣嘢都係人哋揀你。咁有乜嘢係自己揀?其實就算俾你千揀萬揀,揀完之後人哋話啱嘅話,最後你都無計。當然有時係要檢視自己做選擇嘅時候究竟有啲乜嘢條件係必要,有啲乜嘢只係有會好啲但係非必要,如果唔係其實只係自己開嘅條件太過苛刻。
  • 最後的終於都到咗送你最後一程嘅日子,再唔捨得都要同你講一聲再見。你突然嘅離去其實依然仍未完全接受,希望你去到世界嘅另一端繼續開開心心咁過每一日。咁多年嚟都無送過啲乜嘢俾你,希望最後嘅一份禮物你會鍾意。雖然心情依然沉重,但係見到你安祥,見到你微笑就已經足夠。我會記住你講嘅每一句說話,唔需要擔心我。你永遠都會係我心入面,永別了我最愛嘅爺爺!
  • 秋風起以前嘅香港,四季分明,但係近年就好似無咗春天同秋天咁。話熱就突然熱,話凍就突然凍。太陽落山雖然開始早,六點鐘已經開始黑,但係天氣就好似夏天咁。記得以前細個返學係會教春夏秋冬,而家啲教科書係唔係已經唔需要再教春秋嚟兩個季節呢?如果繼續咁落去,相信香港真係好快再唔會有春秋,只會有冬夏!雖然話鍾意夏天啫,但係今年真係太熱了!
  • 使用者可能你聽過使用者經驗,但係有幾多人了解使用者經驗?其實每個人都會接觸到,只係大家覺得有啲嘢係理所當然。例如你去一間餐廳,入去嘅時候有無侍應招待你,間餐廳嘅環境如何,侍應嘅服務態度,嘢食嘅品質等等,每一環都會影響使用者嘅體驗。好多人其實將使用者經驗專注係某一個特定嘅範圍,但係往往就忽略咗其他地方嘅體驗。所以一個好嘅使用者經驗係會顧及整個使用嘅過程。