東方昇

真係好耐無睇無線嘅劇集,但係最近又有新一輯嘅「世界零距離」咁當然要睇下今次方東昇又有啲乜嘢金句帶俾各位觀眾。如果唔係佢咁多金句應該都唔會吸引咁多人睇。因為最近啲劇集真係無一套吸引,就算想睇道無計,因為要等郭大少瞓咗我哋先至會開電視。雖然個節目只係播咗三集,但係已經好好笑。更重要嘅係真係有嘢睇,有嘢笑,有嘢學嘛!好難得係有啲咁嘅節目當然要坐定定睇啦!

方東昇

「世界」

當然唔係個個人會睇無線嘅節目,但係有時真係係屋企無無聊聊都會開著個新聞台係咁播。如果大家有留意,本來係無綫新聞台播開嘅「世界零距離」無啦啦唔知點嘅會係無綫翡翠台十點半嘅時候播。當然佢最主要嘅內容就係去一啲我同你都未必去嘅地方。講真有啲地方都幾特別,唔講真偽唔知有嗰個地方存在。雖然唔係啲乜嘢大製作,只係一個新聞報導員主持嘅一個節目,不過就幾有趣。

首爾行


個人分享
Tagged With: , , , , , , , , ,

「韓國」

因為以前工作關係,韓國變咗我第四個家!唔覺唔覺係呢個地方住咗近一年。當然唔係連續咁住係首爾啦!當韓風仲未盛行嘅時候,韓國真係好唔同!過咗幾年再返嚟感覺好似好熟識又好似好陌生!最記得就係無乜野好食,次次同老細兩個人都係去燒豬肉同炸豬扒!有次做完野同幾個韓國同事一齊去飲野飲到不醒人事!第二朝個同事仲要起唔到身返工同唔見咗眼鏡!笑鳥!

自由行


個人分享
Tagged With: , , , , , , , , ,

「旅遊」

每個香港人都會講「自由行」嚟個問題。嚟個計劃本身係希望喺 2003年沙士之後透過放寬中國旅客嚟香港而帶動香港經濟同旅遊業。透過申請自由行嚟香港,內地旅客最多可以逗留一個星期。到 2009年,更放寬合資格嘅深圳居民可以申請一簽多行嘅簽證。但係亦都因為咁,過去嚟十二年,香港旅遊業亦出現咗好多問題。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。