點量度

好多人以為做數據分析好容易,大家都好似睇緊同一樣嘅數字,但係每間公司所量度嘅嘢都好唔同。其實原因好簡單,大家嘅策略唔同,營銷手法,網站設計,等等都會有唔同嘅款式方法。雖然有某啲分析方法可以誇行業去使用,只不過有八九成嘅分析都會唔一樣。所以你問我點樣量度嘅話,我都會同你講無一個標準,因為每個案例都好唔同。如果可以個個一式一樣咁我就輕鬆好多。

教小孩

每個父母都希望教好自己嘅小朋友,但係學問真係好多。唔同嘅父母都有唔同嘅教法,但係邊一種教法先至係有效,其實每個小朋友都唔同。而用錯方法嘅話其實係影響好深遠。有位朋友同我分享咗一個兒童心理學家嘅分享,睇完之後覺得講得非常之好,因為要教好一個小朋友首先係要了解佢哋特點!而當你了解佢哋之後,先至可以有效地咁教育佢哋。要學嘅嘢真係太多,而自己真係要改變一啲習慣。

關關過


個人分享
Tagged With: , , , , , , , , ,

人生每日都要面對唔同嘅難關,當然有啲就好容易咁跨過去,有啲就需要啲力去跨過去。其實無嘢係解決唔到,好多時係觀點與角度,點樣都會有方法去解決。當然唔係個個人都會有嚟種心態,因為難關總會令人忐忑不安,莫講話平常心去面對,有時連喘息嘅空間都無。所以當遇到難關嘅時候唔係急於去搵出解決方案,而係先令自己嘅心情平靜之後可以好好思考點樣去跨過去!

或然率


個人分享
Tagged With: , , , , , , , , ,

其實有時我做人都會不斷係度計數,而老實講我數學真係唔叻,最叻嗰樣叫做或然率。所以我唔會賭錢,因為點計你都會輸。就算還要識可而止,要知道幾時要離場。如果咁啱你贏咗嘅話,講真真係見好就收。當然好多人會俾輸贏嚟兩個字蒙蔽咗,但係人一身就係咁,唔係輸,就係贏。所以好多嘢我都會計下數,如果計唔掂就情願離場!以免損手爛腳!

採用咗


個人分享
Tagged With: , , , , , , , , ,

「方法」

其實真係幾得意,而我亦留意咗好耐。每次香港有啲大事發生,我哋個位特首都會先摺埋幾日,然之後突然就會出嚟見記者。通常都係用一個非常之官方嘅態度去解釋已經發生咗幾日嘅事件。最特別之處係每次佢講完嘢嘅一兩日都會有突破性發展。講真有無咁啱得咁橋呀?次次都係咁?今次失蹤嘅案件又係咁,佢出嚟講完嘢之後就收出現咗一封平安信,兼且去撤銷案件?真係咁橋?唔會啩。。。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。