整年糕


個人分享
Tagged With: , , , , , , , , ,

新年就快到,又係時候蒸下糕。自從上年新年前買咗部水波爐之後,真係第一次自己係屋企整年糕。當然整年糕就需要食譜啦,而上年跟咗麥潔兒(Kit Mak)嘅「黃金奶黃年糕」整咗幾次俾屋企人,所以今年就早啲整年糕用嚟送禮。講真自己整年糕真係唔難,最重要嘅係口味可以按照自己嘅喜好去整。如果怕甜嘅話可以落少啲糖,鍾意幾時食就幾時整,真係唔錯。最緊要嘅係價廉物美嘛!

新開始


個人分享
Tagged With: , , , , , , , , ,

個個都寫新年願望,其實我而家每年嘅願望都係得嚟三個,第一個就係開開心心咁過每一日,第二就係每日都可以陪郭大少一齊成長,第三就當然係同老婆恩恩愛愛過埋下半世。當然今年有好多嘢都要重新開始,所以雖要更多時間同精力去實踐。堅持係一件好難嘅事,所以我仍然堅持每日都係嚟到寫一篇文,原因係要令自己繼續堅持。人生不如意嘅事十常八九,重新調整自己向新一年出發!

港傳媒


個人分享
Tagged With: , , , , , , , , ,

「話題」

年初一嘅衝突掀起咗好多香港人嘅話題,有支持,有反對。但係如果淨係睇表面嘅時候,又或者淨係單靠傳媒嘅報導係唔係足以理解整件事件?不過係好多事件可以睇到傳媒報導事件嘅時候真係保持中立?真係將事實嘅全部反映俾普羅大眾知道?好多時其實佢哋有預設嘅立場,報導嘅手法同角度。所以好多時如果無辦法靠自己第一身去了解事件嘅時候,就應該用多角度去了解事件!

去拜年


個人分享
Tagged With: , , , , , , , , ,

「猴年」

上年郭大少仲係老婆個肚裡面,得個幾個月人仔,話咁快又一年,而家六個幾月。有咗小朋友嘅新年真係有啲唔同,而最開心嘅當然係老人家。一家人熱熱鬧鬧去拜年。而每當係自己嘅本命年通常都會開心啲,好似自己做主角,因為係自己出世嘅生肖,所以特別開心。最緊要嘅就當然係去嫲嫲屋企食傳統福建嘅壽麵,因為係大時大節先至有得食!

大除夕


個人分享
Tagged With: , , , , , , , , ,

「除夕」

今日個個都好似打仗咁,好多地方都好多人,好明顯個個作最後衝刺辦年貨。當然亦都包括我在內!雖然間屋搬咗入去差唔多一個月,但係間屋都仲未執好。晏晝去咗超級市場買地新年要煮嘅嘢,如果唔係之後幾日都未必有嘢買!之後就去多次睇下買唔買到件新年衫俾郭大少,好彩最後都搵到件啱佢嘅新年衫。話晒都係第一年過年,梗係要打扮下架啦!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。