新部落

過去十年社交媒體嘅發展係好快,而大家每日上社交媒體已經變成咗習慣。每日係社交媒體睇到嘅訊息由當初朋友同朋友之間嘅狀態更新,到而家其本上亂到一個點差啲以為海外嘅朋友失咗蹤。畢竟社交媒體係媒體,而亦都因為每個人嘅個人喜好去推算你鍾意睇邊啲內容。其實好多時自己真正想睇同係社交媒體上睇唔睇到係兩回事。所以發生咗新一輪嘅移民潮!

無目的


個人分享
Tagged With: , , , , , , , , ,

每日寫文章嘅目的係乜嘢?係唔係因為有目的先至寫文章?好多人覺得我好無聊,點解每日都用一定嘅時間去寫文章。當然有時我都唔知道點樣可以答佢哋,但係好多場合我都可以用自己嘅網站做實例,其實已經係值回票價。當然日日寫文係無回報,甚至乎有時因為諗唔到寫乜,需要去搵唔同嘅題材,所需要嘅時間同心機就會比較長。不過有時我都真係會當啲文章係自己嘅回憶,等自己記得曾經發生過嘅乜嘢事同物。

寫數據


個人分享
Tagged With: , , , , , , , , ,

其實我係有諗過寫本書講數據分析,只不過邊度會有出版社會有興趣投資啲咁嘅題材,或者應該問邊個會睇我寫嘅嘢呢?其實係香港見過咁多公司同教咗書咁耐,當然係有得著,以至於點樣利用數據營運模式都真係好視乎間公司會唔會用數據。香港實在太多公司太過短視,而認真對待數據嘅都真係少之又少,所以如果遇到一啲認真對待數據嘅客戶,我哋都真係好開心。

貧窮觀


個人分享
Tagged With: , , , , , , , , ,

近日係網上面睇到一篇文章關於貧窮觀,入面所講嘅嘢都幾有趣。如果問大家乜嘢係「貧窮」乜嘢係「富裕」,相信好多人都會以為係指嘅係財富。其實正正係相反!點解「富裕」嘅人會越「富裕」,而「貧窮」嘅人會越「貧窮」?原因其實係在於教育!窮人嘅觀念係,佢哋唔快樂係因為無錢,所以要賺錢。但係就正正因為張時間放咗係掙錢上面,所以佢哋唔知道要真正令生活更加輕鬆同快樂嘅其實係係人心。

長青文


個人分享
Tagged With: , , , , , , , , ,

一般去簡單分割網上嘅文章都會係突發,正常,長青嚟三大類別。而好多人當然係希望可以寫到一啲長青嘅文章,因為唔會過時之外,亦會對整個網站帶嚟穩定嘅流量。其實點解要寫文章,原因係一個網站如果要俾搜尋器搵到,而且覺得有價值,其實係要好靠內容去帶動。文章就自自然然變得好緊要,因為搜尋器係讀字嘅機器,如果唔夠字嘅話咁就好難俾搜尋器搵到。當大家覺得無用嘅時候,其實係大錯特錯,因為網站同文章先至係最佳拍擋,如果唔係真係鬼搵到你咩!

 
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先?
  • 搭巴士香港人好依靠公共交通工具,尤其係巴士。有時揸車嘅時候真係會遇到一啲罔顧乘客安全嘅巴士司機。近年真係發生咗唔少嘅巴士意外,有啲都幾嚴重。作為一間巴士嘅營運商,聘請巴士司機嘅時候應該係要非常嚴謹,除咗要有定期嘅評核之外當然亦要給予足夠嘅培訓比車長。講到尾,一架載滿人嘅雙層巴士有一百人以上,如果出現意外嘅話係會造成嚴重嘅傷亡!
  • 大風雪雖然以前住大連嘅時候,冬天落雪係好正常,不過真係好多年無去過落雪嘅地方。一般落雪嘅地方都會有暖氣,所以其實係室內都唔會太凍。不過一出去就會凍到變雪條!最記得有一次去芬蘭工作,因為大風雪搞到班飛機遲咗一個鐘頭先至降落,一落機先知到真係好誇張,應該係咁多年遇到嘅最大風雪。不過落雪真係好靚,白濛濛一片真係好舒服!