我也是


個人分享
Tagged With: , , , , , , , , ,

華人社會傳統觀念對性避諱!所以要受害者企出來將自己性侵嘅經歷公開其實係有一定嘅難度!好多時因為指責嘅文化,往往將事件嘅責任歸咎於女性自己身上,係佢哋自己抵死!咁樣只會令女性覺得講出嚟無用,因為無任何嘅支援,而且最後只會令自己再次受傷。係外國「#metoo」能夠成為一場運動,其實係需要周圍嘅人對企出嘅人人,採取欣賞支持嘅態度,與此同時給予佢哋嘅肯定!

舞火龍


個人分享
Tagged With: , , , , , , , , ,

據聞係一八八零年嘅中秋節前夕,颱風吹襲大坑村,當時有一條大蟒蛇吞食村入面嘅家畜,之後村民合力將佢係破屋入面打死。到咗第二日颱風過後,大蟒蛇嘅屍體失蹤,大坑村發生瘟疫,多名村民病亡。當時有村中父老表示獲菩薩報夢,於中秋佳節舞火龍繞村遊行,同時燃燒炮竹,便可驅瘟疫矣。由於炮竹內含琉璜白藥,加上香火便可驅瘟疫。村民發現此古老良方奏效大喜,因此每年都會紮製火龍巡行全村。

茶餐廳

茶餐廳係香港一個重要嘅飲食文化,而茶餐廳前身其實叫做冰室。以前嘅冰室一般都係提供凍飲,雪糕,沙冰等,而且佢哋持有嘅牌照係小食牌,所以唔可以提供熟食。但係茶餐廳嘅牌照唔同,因為係食肆牌,所以可以提供更多種類嘅食品。基本上係香港真係好容易就搵到一間茶餐廳,而家有一啲就扮懷舊,將餐廳個名叫做冰室,就連啲裝修都參考香港五六十年代嘅風格。

漫畫書


個人分享
Tagged With: , , , , , , , , ,

細個嘅時候好多時都係睇卡通片,但係就唔知原來卡通片其實好多時都係因為有漫畫先。香港真係少咗好多淨係賣漫畫嘅商店,而最近期睇過嘅漫畫應該係進擊的巨人。當然唔同人有唔同嘅喜好,有啲鍾意睇美國嘅漫畫,有啲就鍾意睇日本嘅,當然仲有香港本地嘅漫畫啦!好多時漫畫都係虛構出嚟,不過有時亦都有啲係反映當時嘅社會文化,就好似大家熟悉嘅老夫子。

飲奶茶

要講香港茶餐廳文化當然唔會少得絲襪奶茶!其實奶茶同蛋撻一樣都係源自英國嘅下午茶,但係傳統嘅英式奶茶係以紅茶為基礎,只用少量牛奶,不用鮮奶油,有時會加入食糖。而港式奶茶點解由叫做絲襪奶茶,其實原因係因為用嚟過濾奶茶嘅棉紗網經奶茶浸泡後,顏色同樣貌就好似絲襪咁嘅樣!但係點解要用棉紗茶袋濾過啲奶茶?原因係令到奶茶比較細滑,同時茶味更加均勻。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。