又教完

今年真係有大部份嘅時間都係教緊書,有時真係好佩服全職教書嘅朋友!因為教書真係挑戰聲帶嘅極限,最瘋狂嘅係一個星期教四日,有時仲要連續講七八個鐘頭嘢。其實教書真係好攰,所需要嘅體力真係唔可以低估,教完之後基本上個人只係想靜靜哋休息下。雖然之前都有返開大學教書,但係都只係一個星期一日,而且只係三個鐘,而同而家比真係覺得輕鬆!

速成班

過去幾個月都係比較專注係開班教分析數據嘅業務,當然係因為之前有好多人都問我邊度有堂上。雖然已經行咗一排,不過係唔同嘅地方都見到有其他公司都有開唔同類型嘅課程,有時亦都會諗大家嘅定位有啲乜嘢唔同。我相信最大嘅分別係宣傳手法同課程嘅價錢定位,而好多時見到佢哋最常用嘅字就係速成!咁明白嘅,因為香港人忙所以樣樣嘢就當然希望學完就用得,只係現實同希望係兩回事!

强與弱

要善用數據,首先管理層應該問自己有一個自動化流程去解決一啲浪費大量資金同阻礙運營嘅問題。公司需要自動化一啲重複嘅流程,就一定會涉及到大量嘅數據,尤其係一啲需要通過分析同速度取勝嘅智慧。如果無咗嚟啲數據,好有可能當公司採用人工智能嘅時候,就會出現錯誤嘅分析同結論!原因係佢哋分析緊一啲過期嘅數據!例如,網店可以每日調整產品價格,原因係佢哋自動收集競爭對手嘅價格而作出調整!

心灰了

有一份高薪厚職唔去做,就去創業希望改變市場,希望有突破。當初嘅一份熱誠竟然變成自己嘅負累!相信好多人都有試過!有啲人會怪市場,有啲人會怪時機,我只會怪自己!因為無做好自己!就算幾有熱誠,面對不斷嘅挫折,不斷嘅失敗,終有一日係會將嗰份熱誠磨滅。當然回望過去,自己有無揀錯?點解唔輕輕鬆鬆,自自在在咁過每一日?嚟啲問題不斷係腦入面出現!

人都癲

數據真係一樣令人又愛又恨嘅嘢,因為如果好好利用嘅話係可以帶來好多機遇。只不過好多時啲多公司收集數據嘅方法同使用數據嘅原因真係會嚇你一跳。首先如果收集數據嘅時候無一個清晰嘅目的同框架,基本上都好肯定要浪費好多時間去整理數據先至可以分析。除此之外,好多公司只係為咗要應付老闆嘅要求,變相麻木地整理同分析所收集嘅數據,但係最後其實根本對業務一啲幫助都無。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。