共享業


個人分享
Tagged With: , , , , , , , , ,

而家嚟個年代個個都係到講共享,不論住宿,汽車,單車,等等。但係乜嘢先至真係叫做共享經濟呢?共享嘅目的唔係應該更有效去利用資源,但係依家嘅共享業好似有少少背道而馳,無善用資源不特止仲不斷浪費資源!咁嚟啲公司又點可以話自己係共享呢?當然有時真假共享係好難分別,但係只要細心留意嘅話其實唔難分。最主要係佢哋係唔係利用現有嘅資源定係買啲新嘢再扮分享資源。

共享化


個人分享
Tagged With: , , , , , , , , ,

好多國家都無法例去迎合共享經濟嘅發展,就好似係日本,佢哋都係啱啱通過修改法例令房屋可以作短期出租之用。每年出租嘅日子唔可以超過六個月,與此同時亦有好多唔同嘅法例需要遵守!當然係香港基本上將屋企作短租用途,或者私家車用嚟接載乘客收取酬勞都係違反現今嘅法例。但係點解會有咁多人選擇使用嗰啲服務?當然有故中嘅原因,而通常係不滿現今嘅服務種類同質素。

被裁員

基本上絕大部份嘅人都會有被裁員嘅機會,因為無一間公司無一份工係可以打一世!當然以前啲工真係有可能打足一世,但係依家嘅環境好唔同,經濟唔好真係隨時俾人裁員。當然年紀亦都係一個好緊要嘅因素,因為經驗多就等於人工高,好多公司都會由高成本低效益嘅地方著手。所以好多時都會聽到啲人話人到中年,俾人裁員嘅機會就越來越高!有時要再搵返份工真係會有啲難度。

新電腦


個人分享
Tagged With: , , , , , , , , ,

話說自己部電腦用咗幾年個屏幕試第一次斷咗個骹位要成個換咗佢,之後整返無耐又自己自殺式跌咗落地,搞到得返八成嘅屏幕可以正常顯示。當然有諗過整唔整好,因為真係好貴,而知道蘋果好快就會有新嘅手提電腦推出。不過等了又等,等到天荒地老之後,終於今日推出咗新嘅款式。當然功能上勁咗,而且又多咗一啲新嘢,最緊要就當然係部電腦輕咗,事關日日孭著依家部機出出入入真係幾辛苦。

談廣告


個人分享
Tagged With: , , , , , , , , ,

「推廣」

做任何生意都係需要推廣,最基本嘅就當然係透過朋友介紹同人際網絡。而係好多時好多人都以俾錢去買一個廣告就可以帶嚟即時嘅回報。依家好多公司都會係搜尋器同社交網站上面買關鍵字同落廣告。不過複雜程度比起買股票仲要複雜,而且好多時被反問點解無成效。其實做任何推廣都要清楚本身個目的,正因為網上推廣五花八門,如果無配合數據同分析其實等同浪費資源。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。