找卡數


個人分享
Tagged With: , , , , , , , , ,

相信好多人都有信用卡,而好多人都因為唔同嘅優惠而申請好多信用卡。有時又因為洗大咗搞到還唔到卡數,所以好多財務公司都會以低息貸款去還高息嘅卡數。當然與其要承擔高昂嘅利息,倒不如將唔同嘅卡數整合,將債務轉移到利息比較低嘅私人貸款。如果你唔再用信用卡消費嘅話,其實嚟個係一個比較精明嘅理財方法。只不過好多財務公司嘅廣告真係好有誤導性!

開數據


個人分享
Tagged With: , , , , , , , , ,

其實係一個發達嘅國家,好多政府嘅數據係應該公開俾市民。當然有無人用或者點樣用唔係重點,而係好多公開數據係可以幫到唔同嘅行業。政府係有責任去推動同分享數據!如果將公開數據同公司營運嘅數據結合,其實係有好多唔同嘅分析可以做到。如果連政府都唔帶頭做嘅話,又點會推動到企業去做呢?有時就算我哋想花時間去做分析都無用,因為啲數據都唔知可以係邊到搵!

新班子

一個團隊要有效咁做到一啲成績俾人睇係要用人唯才,之前我哋嗰位候任特首林鄭月娥曾經講過佢嘅原則係要廣納賢能。所以好多人都係度等緊佢所謂嘅新政府,新管治係點。究竟三司十三局會係由邊個擔任,因為好多人都已經對今屆嘅政府有好多不滿。如果無乜嘢大嘅改變,基本上係今屆政府嘅延續版。要香港走出過去幾年嘅困局,相信都幾難。而今日終於揭曉佢所謂嘅新班子!

數據戰

每間公司最值錢嘅資產其實係數據,所以大家都希望建立自己嘅數據平台,但係如果只有自己公司嘅數據,好多時就無辦法突破框架。因此好多時唔同公司都會將某部份嘅數據互相分享同連結起嚟,希望係分析數據嘅時候可以更加全面。收集數據只係一個開始,因為無數據同方程式就無可能自動化,而無自動化就無得令程式自學起嚟,而無自學嘅話就唔會有人工智能!

選委會


個人分享
Tagged With: , , , , , , , , ,

香港嘅特首係由一個一千二百人組成嘅選委會通過投票而決定邊個會成為香港嘅特首。就係因為咁香港嘅特首唔係一人一票選出嚟,而係由功能界別嘅選民,投票選出代表佢哋嘅委員去投票,因此被喻為小圈子選舉。正正因為咁,作為一個功能組別嘅選民就更加應該去投票俾代表自己業界嘅委員。不過過去咁多年好多人都唔知佢哋有得投票,甚至乎覺得投嚟都無用。不過如果自己有票都唔投,點樣對得住自己嘅下一代?就算好難去改變都好,最起碼自己盡咗本份!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。