放得下


個人分享
Tagged With: , , , , , , , , ,

人一生最重要嘅一樣嘢就係要學識點樣放得低,因為人出世嘅時候係乜都無,離開嘅時候亦都係乜都無。當然人天生係執著,要經歷唔同嘅磨練先至會學會放低。而如果要放低以下十樣嘢嘅話,你又會放得低幾多?當中包括:抱怨,過去,煩惱,自我,脾氣,懶惰,消極,妒忌,猶豫同貪念。人生要活得輕鬆自在唔係一件易事。學識逐一放低其實先至會活得開心。

別執著


個人分享
Tagged With: , , , , , , , , ,

相信每個人都有自己嘅執著,有時某啲執著係好事,因為執著所以堅持,而堅持先至會成功。只不過有時執著亦都會變成絆腳石,所以好多時會反問究竟點解要執著。凡事都有兩面,所以好視乎你嘅執著係啲乜。執著可能係一個自我嘅要求,只不過過份執著又會被人視為頑固。因此點樣看待執著好睇個人,有時放低執著或者會令自己放鬆啲,開心啲,唔好因為執著而令自己陷入困局。

點講好


個人分享
Tagged With: , , , , , , , , ,

每次睇到一位朋友嘅網誌都百感交集,因為佢將過去一年自己抗癌嘅經歷全部紀錄落嚟。由知道佢有病開始,到佢開始寫網誌,基本上佢每次一有新嘅網誌,我都會去睇。雖然只係通過文字知道佢嘅狀況,但係已經感受到佢所經歷嘅每一件事。有時心入面真係唔好受,經常會問,點解會發生係佢身上?點解每次好似見到佢好返少少嘅時候,又會出現其他嘅問題?

放得低

「當兵」

唔知有無人睇過「美國狙擊手」-American Sniper?個故事係改編自「克里斯·凱爾」- Chris Kyle 嘅自傳《美國狙擊手:美國軍事史上最致命狙擊手的自傳》。係德克薩斯州出世同長大嘅「克里斯·凱爾」希望自己長大後能夠成為牛仔,細細個嘅時候,佢老豆就教他點樣狩獵同射擊步槍,亦表示要佢同細佬成為保護「綿羊」免於「狼」傷害的「牧羊犬」。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。