收音機

年代唔同咗,而家啲小朋友其實知唔知乜嘢係收音機?或者佢哋而家連聽收音機嘅機會都無,個個淨係上網睇片。以前無咁多科技嘢嘅時候,相信好多人都會聽收音機。而家要搵一部收音機其實都應該幾難,自己大部分時間都係揸車嘅時候先至會開收音機。唔同以前無乜娛樂,夜晚通常都會開收音機聽歌。其實會唔會有一日嚟個世界再唔會有電台呢?