中小企


個人分享
Tagged With: , , , , , , , , ,

好多人做生意其實都想同一啲大企業合作,但係係唔係大公司就一定好?老實講大公司有幾多間?係香港大部份嘅公司都係中小企,而好多時好多人就忽略咗嚟一點。不過最令人頭痛嘅係點樣先至可以搵到嚟啲中小企呢?當然有啲人怕煩,因為通常收費唔可以太高,而有時咁唔好彩遇到啲奇怪嘅公司,分分鐘做蝕本生意。當然營運模式亦相對唔同,所以我仍然未諗到點樣可以用數據幫到佢哋。

小便宜

「招標」好多時都會收到某啲公司話想邀請你間公司去參與佢哋嘅項目招標,但係事前要做好多嘢都係無錢收。當然你可以話一買一賣,你中標未可以收到錢囉。其實係外國,就算提交意見書大多數都會俾錢,尤其係大嘅項目。其實到最後間公司係唔駛用錢嘅情況下就可以得到唔同嘅資訊,而且大部份時間都係因為內部流程而要搵多幾間公司投標。

裝寬頻


個人分享
Tagged With: , , , , , , , , ,

「網絡」

香港其實有好好嘅網絡,因為大部份嘅地方都有光纖入到屋。價錢嚟講真係唔算貴,而係速度方面亦都唔輸蝕。但係香港揀寬頻供應商就同揀電訊商一樣咁麻煩。因為每間公司都提供唔同嘅服務,而有啲大廈屋苑就真係要睇下你想用個間。真係有啲大廈只可以得一間供應商俾你揀,就算知道佢哋服務差你都無辦法,焗住要用佢哋!有時租樓同買樓都真係要先問清楚!

電訊商

「電訊」

相信每個香港人都會有至少一個手機號碼,而我用咗而家個電話號碼同電訊商十幾年。由以前公司電話,個個月幾千蚊到成萬幾蚊電話費到而家自己每個月俾幾百蚊,點都算係一個長期嘅客戶。但係而家啲電訊商嘅服務質素就每況越下,次次都要打電話上台鬧一餐。最好笑嘅係我合約到期,問佢我有乜嘢選擇,點知講埋晒啲廢話,我要嘅係你話俾我知我作為一個客戶你點幫到我,而唔係照住張傳單讀囉!

談音樂


個人分享
Tagged With: , , , , , , , , ,

「音樂」

由細都大都幾鍾意聽音樂,而因為科技進步,依家聽歌就真係又快又方便。當然唱片業都因為科技嘅進步而要轉型!由以前嘅黑膠碟,卡式錄音帶,光碟,數碼格式甚至到而家通過互聯網做實時串流,科技真係日新月異。就係咁大家可以隨時隨地透過智能手機就可以合法咁下載自己嘅喜歡音樂!亦都因為科技,一個新嘅音樂產業亦發展起嚟!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。