好域名

搵到一個好嘅域名真係好難,但係如果慶幸搵到一個嘅話真係要好好咁留住佢。買一個域名其實好簡單,而且價錢可以好平,只不過要慢慢搵!當然有域名唔一定要起個網頁,只係你有權利去使用嗰個域名。而咁多年嚟我都好想攞返自己個名,但係無辦法,俾人攞咗就係攞咗,唯一嘅方法就係睇下佢哋會唔會唔記得俾錢續個域名。另一個方法就係用高價收購,一個好嘅域名真係越嚟越少!

被淘汰

自從一九九四年開始有互聯網嘅年代就已經成為我生命嘅一部份,隨著佢嘅發展,由自己嘅對寫網站嘅興趣變成自己嘅職業,其實真係睇住科技嘅發展同不同公司嘅起起跌跌。因為互聯網發展迅速,就算係龍頭公司,有一日都會被淘汰。要生存就需要不斷調整策略同發展嘅方針,唔係大就唔會被淘汰,因為歲月不饒人,唔改革嘅話只會俾時間巨輪慢慢吞噬!

長青文


個人分享
Tagged With: , , , , , , , , ,

一般去簡單分割網上嘅文章都會係突發,正常,長青嚟三大類別。而好多人當然係希望可以寫到一啲長青嘅文章,因為唔會過時之外,亦會對整個網站帶嚟穩定嘅流量。其實點解要寫文章,原因係一個網站如果要俾搜尋器搵到,而且覺得有價值,其實係要好靠內容去帶動。文章就自自然然變得好緊要,因為搜尋器係讀字嘅機器,如果唔夠字嘅話咁就好難俾搜尋器搵到。當大家覺得無用嘅時候,其實係大錯特錯,因為網站同文章先至係最佳拍擋,如果唔係真係鬼搵到你咩!

好網站


個人分享
Tagged With: , , , , , , , , ,

諗返二十幾年前自己開始學寫網站嘅時候,當然就無諗過依家嘅網站可以寫到出神入化。以前細個邊度識咁多嘢呀,點樣登記域名,點樣起個伺服器,等等嘅嘢都係邊玩邊學。就算網站本身都要用人手逐行逐行咁寫出嚟,邊似得依家咁方便同咁講究。當然依家嘅網站用途有好多,但係如果要稱得上一個好網站,老實講真係買少見少。不過如果仲有人覺得一個網站對一間公司無用嘅話,咁就真係認真大鑊,因為如果連一個網站都無,要人搵到你都真係會有難度。

搜先決

「每日」

相信大家每日一定最少用 Google 一次去搵嘢。原因好簡單,太方便!一有唔識嘅嘢就上去 Search 吓就知得一清二楚!加上智能手機同網絡速度不斷進步,係街要搵資料變得好方便咗好多。之前亦提過一間公司如果客戶 Search 唔到都幾大鑊。所以無論做任何策略都好,首先諗諗好多時用戶嘅行係。而第一個接觸點好多時都會係「搜尋器」。

 
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先?
  • 搭巴士香港人好依靠公共交通工具,尤其係巴士。有時揸車嘅時候真係會遇到一啲罔顧乘客安全嘅巴士司機。近年真係發生咗唔少嘅巴士意外,有啲都幾嚴重。作為一間巴士嘅營運商,聘請巴士司機嘅時候應該係要非常嚴謹,除咗要有定期嘅評核之外當然亦要給予足夠嘅培訓比車長。講到尾,一架載滿人嘅雙層巴士有一百人以上,如果出現意外嘅話係會造成嚴重嘅傷亡!
  • 大風雪雖然以前住大連嘅時候,冬天落雪係好正常,不過真係好多年無去過落雪嘅地方。一般落雪嘅地方都會有暖氣,所以其實係室內都唔會太凍。不過一出去就會凍到變雪條!最記得有一次去芬蘭工作,因為大風雪搞到班飛機遲咗一個鐘頭先至降落,一落機先知到真係好誇張,應該係咁多年遇到嘅最大風雪。不過落雪真係好靚,白濛濛一片真係好舒服!