有嘻哈


個人分享
Tagged With: , , , , , , , , ,

好多時做巿場推廣,品牌都會顧及自己嘅形象。不過有時自嘲一下真係無妨,就好似「譚仔」同「100毛」合作嘅一條新片。《譚仔有嘻哈》係一套勵志劇?而除咗有粵語同英語之外,仲有譚仔話?吓唔知乜嘢係譚仔話?咁好明顯你無去過譚仔啦!有時品牌係需要大膽啲,當然就算自嘲都有可能係反效果,不過今次譚仔條片真係幾好笑!有時間嘅話不妨睇下笑下!

杜蕾斯

點樣先至叫做一個成功嘅推廣方案?當然除咗用最少嘅資源獲得最多嘅暴光率之外,其次就當然引起大眾嘅討論。現今嘅推廣模式基本上無乜時間可以俾你思考,因為信息發放得太快。如果唔即時作出反應,其實就已經證明咗個品牌相對落後,跟唔上潮流。與此同時要大膽至於亦都要確保自己嘅品牌價值,其實係相對比較困難。好容易就會變成公關災難。

做博客


個人分享
Tagged With: , , , , , , , , ,

而家做博客其實真係好簡單,簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品,然後就希望博客係自己嘅博入面分享下。當然有啲係有錢,有啲係無錢,亦都有啲係邀請你去某啲私人活動。自問就真係冇做博客嘅條件,寫嘢都係因為個人嘅興趣,想了解文字與數據嘅關係,而最緊要係記錄生活嘅點滴。

要敢做


個人分享
Tagged With: , , , , , , , , ,

雖然而家係數碼年代,而廣告亦都分為傳統同數碼兩派。但係做廣告係需要創意,唔係樣樣嘢都只係求回報。我之前亦都講過,數據唔係萬能,而如果太過依賴數據去營運嘅話,基本上係無創意可言。廣告除咗要有創意之外,亦都需要膽量去做。當然有時有啲廣告會太過前衛,引起社會爭議!只不過創作就係咁,唔可以下下都為咗討好市場而做,有時真係要鼓起勇氣踏出一大步。

寫網頁


個人分享
Tagged With: , , , , , , , , ,

仲記得好多年前因為自己嘅興趣開始學點樣寫網頁,亦都因為嚟個興趣變成自己嘅職業。二十幾年前嘅網頁真係非常之簡單,無而家咁複雜,亦都冇任何嘅工具可言,所有嘢都係要自己一隻隻字打出嚟!再加上自己鍾意設計,咁就係今日大家所講嘅網頁設計。不過而家仲有無人好似以前咁寫網頁?如果而家叫我寫一個網站應該要從頭學起,因為變化實在太大。

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃!
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先?