實名制

返嚟香港咁多年都睇過好多唔同嘅演唱會,只不過要真係入到個系統而且買到飛嘅機率,除咗自己真係好好彩之外,其實大部份嘅時間都應該係登陸唔到。就算你想親身去買飛都未必買到,因為有好多黃牛黨同排隊黨,真係輪到你嘅時候都分分鐘已經賣完。所以係外國,為防啲人炒賣門票,佢哋就實施實名制。買飛嘅時候不但要規管數量,與此同時亦都要用實名登記。

掃街去


個人分享
Tagged With: , , , , , , , , ,

每年一到農曆新年就會有好多唔同嘅夜市,而每年其實都係得農曆新年嚟段時間先至有街邊檔出現。嚟個其實係香港嘅特色,因為以前細細個香港係有好多街邊檔,只不過而家基本上好難有機會見到街邊檔。雖然而家無咗以前個啲路邊檔,不過一到新年其實好多人都好期待去掃街。但係啲嘢好唔好食就見仁見智,而事實上好多都一般般,只係大家都想趁下熱鬧,感受下傳統嘅香港特色。

麥樂雞

我都幾相信好多人同我一樣都鍾意食麥當勞哋嘅麥樂雞。唔知由幾時開始,一唔知食啲乜嘢嘅時候就會自自然然叫咗麥樂雞。不過係香港嘅麥樂雞只有六件同九件兩個選擇。仲記得以前係澳洲返夜班嘅時候,因為放工已經係十點打後,要醫肚嘅話都無乜選擇,所以麥當勞係其中一個選擇。而通常我一叫就叫二十件麥樂雞!係呀,澳洲係有二十件麥樂雞嗌㗎!不過相信依家自己未必一個人食得晒。

港心態

「心態」

我相信好多人都應該察覺到香港人有幾個好特別嘅心態。第一,不論係啲乜,有冇市場,樣樣嘢都可以換一餐,炒一餐。第二,做任何嘢都唔好蝕底,人排我排,人買我買,羊群心理。第三,乜都儲一餐,只要係限量嘅就買咗先算,因為限量,所以越難擁有就越要有,要高人一等!第四,做乜嘢都要快過人,最好做第一,就算快你少少都好,型咗先!

新移民


個人分享
Tagged With: , , , , , , , , ,

「移民」

嚟幾日又想講下啲時事嘢!我諗好多人都好似我咁跟屋企移民咗去第二度好多年再返嚟香港。不論你係去其他國家旅遊,或者去公作,甚至乎去定居,始終係去咗人哋嘅地方。入鄉隨俗就緊係要㗎啦,嚟樣唔洗多講,最重要係尊重人哋嘅文化。當然你可以唔接受或唔認同人哋嘅文化,但係如果選擇居住係另一個國家就要跟蹤當地嘅文化。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。