又教完

今年真係有大部份嘅時間都係教緊書,有時真係好佩服全職教書嘅朋友!因為教書真係挑戰聲帶嘅極限,最瘋狂嘅係一個星期教四日,有時仲要連續講七八個鐘頭嘢。其實教書真係好攰,所需要嘅體力真係唔可以低估,教完之後基本上個人只係想靜靜哋休息下。雖然之前都有返開大學教書,但係都只係一個星期一日,而且只係三個鐘,而同而家比真係覺得輕鬆!

舒適區


個人分享
Tagged With: , , , , , , , , ,

最近好多身邊嘅朋友都唔知點解不約而同咁話生意難做。咁其實做生意就一定會遇到風風雨雨,而大部份嘅時候大家都生活係舒適區以外嘅地方。當然起起跌跌就在所難免,就算間公司係百年基業都好,商業嘅社會就係咁,有時係唔輪到你去控制。所以有危就有機,只係睇下大家係唔係超過咗可以接受嘅範圍!有時就算打份工,老實講其實無人真係可以擔保你唔會俾炒魷!

適可而

好多時做任何嘢都應該諗下後果,因為唔係樣樣嘢都可以返轉頭。有時有啲嘢真係要識可而止,有時玩大咗真係收唔返,過咗火就係過咗火。無論係立法會又好,香港政府又好,其實大家都應該諗下點樣先至可以令香港向前行,就算唔向前行到唔好向後行先得架。當然候任立法會議員有不當嘅行為,但係政府亦都要識可而止,唔好搵藉口破壞香港係一國兩制下,三權分立嘅制度!

一歲啦


個人分享
Tagged With: , , , , , , , ,

「一年」

一年前嘅今日我同老婆都好期待一個新嘅生命嚟到呢個世界!我哋兩個都因為太緊張所以瞓得唔好。不過仲好記得你嘅第一下喊聲,第一次擘大眼,第一次笑同好多好多嘅第一次。而最感恩嘅係你平平安安嚟到嚟個世界同健健康康咁成長。雖然你對我哋嚟講係一個挑戰,但係我哋每日都努力學習,希望將最好嘅嘢俾你。話咁快你已經一歲啦!真係快得驚人!

去沖繩


個人分享
Tagged With: , , , , , , , , ,

「旅行」

同小朋友去旅行其實都係第一次,因為以前都係自己去公幹或者同老婆去玩。對於好鍾意去旅行嘅我哋,其實都諗咗好耐。當然見到身邊好多朋友都帶啲好細小朋友嚟度去嗰度去,只不過有時係度諗其實係我哋啲大人想去旅行!好多時啲小朋友都唔知發生緊乜嘢事,到最後有可能辛苦佢哋之餘,大人亦都會辛苦。咁去旅行又做乜嘢呢?

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。