美瑛市

之前嗰日去完動物園真係玩得太盡興,係民宿食完飯沖完涼之後無幾耐就同個仔一齊瞓著咗。第二朝起身食完嘢就再一次出發!今日最主要嘅係去睇風景同影相,係美瑛有好多唔同嘅景點,而一條叫做拼布之路,其實係由好多唔同嘅農田拼埋一齊而成。嗰度睇風景真係一流,只不過郭大少對嚟啲活動真係無乜興趣,而且佢都唔知我哋做乜,所以我哋都只係去到唔同嘅景點影張相,到此一遊。