讀書為


個人分享
Tagged With: , , , , , , , , ,

今年真係不斷教書,但係有時真係遇到一啲好奇怪嘅學生。有時心諗其實佢哋究竟點解返學?當然好多人都會選擇去繼續進修,而好多時都係要真金白銀咁俾錢去讀。既然俾咗錢咁點解又唔認真咁去讀呢?唔通真係諗住隨隨便便上完堂,考個試,然後就拎完張證書,等自己可以升職加薪?乜讀書唔係為咗增進知識?嘥咁多錢同時間,為嘅係啲乜嘢呢?如果係咁不如唔好讀啦!

投訴病


個人分享
Tagged With: , , , , , , , , ,

「投訴」

雖然我唔鐘意投訴,但係返到嚟香港之後真係唔投訴唔得。如果我係得閒無事下下投訴就話姐,唔通投訴唔麻煩咩。單係今年就已經要我鬧爆咗一間賣電子產品,一間電訊商同一間百貨公司。係香港服務差咗定公司管理差?我真係唔知!每次都真係火都嚟,連最基本處理問題嘅能力都無,真係暈得一陣陣!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。